Búgin QR Prezidenttigine Jalpyulttyq sotsial-demokratiialyq partiiasy atynan kandidat Nurlan Áýesbaev Respýblikalyq sailaýaldy shtab keńsesinde buqaralyq aqparat quraldarynyń qatysýymen kezdesý ótkizdi, dep habarlaidy JSDP baspasóz qyzmeti.
Jiyn barysynda sailaýaldy kampaniianyń qorytyndylary shyǵaryldy.
Kampaniia sheńberinde Qazaqstannyń barlyq oblystarynda aimaqtyq sailaýaldy shtabtary ashylǵany málimdeldi.
Kandidattyń sailaýshylarmen jeke, sonymen birge eńbek jáne ózge ujymdaryndaǵy kezdesýleri sekildi úgit-nasihat sharalary ótkizildi.
Odan bólek elordada Nurlan Áýesbaevtyń qatysýymen tyǵyz qurylysqa qarsy miting ótkizildi.
BAQ-ta úgit-nasihat jumystary júrgizildi. Respýblikalyq jáne aimaqtyq telearnalarda úgit-nasihat rolikteri kórsetildi. 3 tanymal radiostantsiiada úgit-nasihat aýdiorolikter oinatyldy.
Respýblikalyq jáne aimaqtyq baspasózde sailaýaldy baǵdarlama, kandidattyń jáne onyń senimdi ókilderiniń suhbattary, Áýesbaev jóninde maqalalar jariialandy.
QR Prezidenttigine Jalpyulttyq sotsial-demokratiialyq partiiasy atynan kandidat Nurlan Áýesbaev óz kezeginde senimdi ókilderine, shtab múshelerine, partiia belsendileri men volonterlarǵa atqarǵan jumystary úshin alǵysyn bildirdi.
Nurlan Áýesbaev úgit-nasihat kampaniiasy óte joǵary deńgeide ótkizildi dep sanaidy.
