© Sputnik / Abzal Kaliev
Ortalyq sailaý komissiiasy Nurlan Áýesbaevty prezidenttikke kandidat retinde tirkedi. Ol sailaýǵa Jalpyulttyq sotsial-demokratiialyq partiiasy atynan túsedi, dep habarlaidy Sputnik Qazaqstan.
"Prezidenttikke kandidat Nurlan Áýesbaevtyń qoldaýyna 15 óńirden 120 908 azamattyń qoly jinalǵan. Olardyń barlyǵy tekserilip, 119 197-si ras dep tanyldy. Iaǵni qol jinaýdyń qajetti sany qamtamasyz etildi", - dedi Ortalyq sailaý komissiiasynyń múshesi Sabila Mustafina.
OSK talabyna sáikes kandidat kem degende 118 273 qol jinaýǵa tiis.
Osylaisha Ortalyq sailaý komissiiasy Nurlan Áýesbaevty barlyq talapqa sai dep tanyp, ony kandidat retinde resmi túrde tirkedi.
Prezidenttikke úmitker retinde barlyǵy alty adam tirkeldi: Qasym-Jomart Toqaev, Meiram Qajyken, Jigýli Dairabaev, Qaraqat Ábden, Saltanat Tursynbekova, Nurlan Áýesbaev.
Nurlan Áýesbaev 1957 jyly Túrkistan oblysynda týǵan. Partiianyń astanalyq fililyn basqarady. Joǵary bilimi bar, Áýezov atyndaǵy Ońtústik Qazaqstan ýniversitetin támamdaǵan. Uzaq jyldar boiy ákimdikterde túrli laýazymdardy atqardy.
JSDP – Qazaqstandaǵy oppozitsiialyq saiasi partiia. 2006 jyly 10 qyrkúiekte qurylǵan.
Eske salsaq, Qazaqstanda kezekten tys prezident sailaýy 20 qarashada ótedi.
