2022 jyldyń 7 qarashasynda QR Prezidenttigine Jalpyulttyq sotsial-demokratiialyq partiiasy atynan kandidat Nurlan Áýesbaev Oral qalasyndaǵy Batys Qazaqstan oblystyq sailaýaldy shtabqa bardy, dep habarlaidy JSDP baspasóz qyzmeti.
Is-shara barysynda kandidat qala aktivimen kezdesip, óziniń sailaýaldy baǵdarlamasynyń negizgi qaýlylary jóninde baiandap berdi.
Atap aitqanda, memlekette saiasi reformalardy júrgizý qajettiligine toqtaldy. Qazaqstan aldynda turǵan basty másele – parlamenttik-prezidenttik respýblika qurý.
Kandidattyń pikirinshe, biz bilik bir adamnyń qolyna shoǵyrlanatyn prezidenttik basqarý úlgisinen bas tartýymyz qajet. Úkimet adal, básekeles biznestiń damýyna múmkindik bermeitin oligarhtardy emes, halyqtyń múddesin qorǵaýy tiis.
Odan bólek, jemqorlyqpen kúresti kúsheitý kerek: paraqorlarǵa qatysty maksimaldy jaza ornatyp, merziminen buryn bosatý quqyǵynan aiyrý qajet.
Nurlan Áýesbaevtyń pikirinshe, jemqorlyqty jeńip, memlekettiń basqarý júiesin aýystyrý arqyly ǵana eldiń ekonomikalyq gúldeýine qol jetkizýge bolady.
