Bas prokýratýra Zamanbek Nurqadilovtiń ólimine qatysty qylmystyq is qaita tergele bastaǵanyn joqqa shyǵardy. Alaida Zamanbek Nurqadilovtiń uly jibergen ótinishtiń qaralyp jatqanyn rastady, dep habarlaidy "Ult aqparat".
"Áleýmettik jelilerde Bas prokýratýranyń Zamanbek Nurqadilovtiń qaza bolý faktisi boiynsha qylmystyq isti tergeýdi qaita bastaǵany týraly aqparat taralýda. Bas prokýratýra bul málimetterdiń shyndyqqa janaspaityndyǵyn habarlaidy. Qairat Nurqadilovtiń aryzy qaralyp jatyr", - delingen resmi habarlamada.
Aita keteri, buǵan deiin marqumnyń uly Qairat Nurqadilov ákesiniń ólimi boiynsha tergeý sharalaryn qaitadan bastaýdy talap etken. Onyń aitýynsha, Zamanbek Qalabaiuly óz-ózine qol salmaǵan. Ony belgisiz bireýler atyp ketken.
Tanymal qoǵam qairatkeri 2015 jyly 12 qarasha kúni qaza tapty. Onyń denesinde úsh oqtyń izi boldy.
Ekeýi keýdesinde, bireýi basyna tigen. Resmi qorytyndyǵa sáikes, Nurqadilov óz-ózine qol salǵan.
