Foto: Kazpravda.kz
Qazaqstanda pedagogtar quramynyń jetispeýi men onyń sapasyn baǵalaý ózekti másele bolyp otyr. Sonymen qatar, pedagogterdiń biliktiligin arttyrý júiesine baqylaý joq. Osy máselelerdi senator Nýriia Niiazova óziniń depýtattyq saýalynda kóterdi, dep habarlaidy Ult.kz.
Senatordyń aqparaty boiynsha Qazaqstanda qazirgi kezde muǵalimderdi qaita daiarlaýmen ainalysatyn 100-den astam uiym jumys isteidi, alaida is júzinde litsenziialaý, sapa monitoringi jáne kýrstan keiingi súiemeldeý tetikteri joq.
«QR Oqý-aǵartý ministrliginiń málimetinshe, pedagogtarǵa arnalǵan kýrstar ótkizý jónindegi memlekettik tiziliminde búgingi tańda 100-den astam uiym bar, olardyń basym kópshiligi jeke uiymdar. Kóptegen qurylymdar óz jumysyn internettegi platformalar arqyly, salalyq uiymdar aldynda eshqandai jaýapkershiliksiz jáne esep-qisapsyz júrgizedi – bul muǵalimderdiń biliktiligin arttyrý protsesiniń baqylaýsyz ósýine ákeledi. Bilim berý qyzmetterin básekelestik ortaǵa berý jaǵdailary kóbeiip barady – bul aýyr áleýmettik saldarǵa alyp kelýde jáne bilim sapasynyń artýyna yqpal etken joq. Odan bólek, mundai jaǵdaida eń basty másele – jaýapkershilik tetikteri qandai», - dep atap ótti Nýriia Niiazova.
Depýtat máseleni sheshý maqsatynda pedagogtardyń biliktiligin arttyrý úderisine memlekettik baqylaýdy kúsheitýdi usyndy. Atap aitqanda, «Órleý» ulttyq ortalyǵyna júieni úilestirý fýnktsiiasyn bekitý, bilim berý qyzmetterin usynatyn uiymdardy mindetti túrde litsenziialaý tártibin engizý, sondai-aq daiarlyq sapasyna qatań standarttar engizý kerek.
«Pedagog kadrlardy daiarlaý sapasyn arttyrý jónindegi sharalardan bastaý kerek. JOO túlekteriniń «pedagogtardyń bilimin baǵalaý» testileriniń derekteri boiynsha olardyń daiyndyq deńgeii óńirlik jáne óńirishilik bóliniste aitarlyqtai saralanady. 2024 jyly tek 3490 túlek nemese 7653 túlektiń 45,6 paiyzy 50 paiyzdyq shekti eńserdi. Joǵarǵy oqý ornyndaǵy bilim sapasynyń tómendigine orai «qosymsha oqýdyń» tiimdi júiesin jolǵa qoiý jaǵdaidy túzetýge yqpal etýi múmkin. Bul rette pedagog mamandyqtary boiynsha túlekterdi daiarlaý sapasy úshin joǵary oqý oryndarynyń standarttary men jaýapkershiligin shuǵyl túrde arttyrý mańyzdy. Memlekettik baqylaýdy kúsheitý muǵalimderdi daiarlaý sapasyn arttyrýmen qatar bilim berý baǵdarlamalaryna teris kózqaras jaǵdaiyn boldyrmaýǵa kómektesedi. Monitoring pen retteýdiń jańa tetikterin engizý bilim berý júiesiniń turaqty damýyn qamtamasyz etedi jáne pedagogtardyń kásibi mártebesin nyǵaitady», - dedi Nýriia Niiazova.
