فوتو: Kazpravda.kz
قازاقستاندا پەداگوگتار قۇرامىنىڭ جەتٸسپەۋٸ مەن ونىڭ ساپاسىن باعالاۋ ٶزەكتٸ مەسەلە بولىپ وتىر. سونىمەن قاتار, پەداگوگتەردٸڭ بٸلٸكتٸلٸگٸن ارتتىرۋ جٷيەسٸنە باقىلاۋ جوق. وسى مەسەلەلەردٸ سەناتور نۋرييا نييازوۆا ٶزٸنٸڭ دەپۋتاتتىق ساۋالىندا كٶتەردٸ, دەپ حابارلايدى Ult.kz.
سەناتوردىڭ اقپاراتى بويىنشا قازاقستاندا قازٸرگٸ كەزدە مۇعالٸمدەردٸ قايتا دايارلاۋمەن اينالىساتىن 100-دەن استام ۇيىم جۇمىس ٸستەيدٸ, الايدا ٸس جٷزٸندە ليتسەنزييالاۋ, ساپا مونيتورينگٸ جەنە كۋرستان كەيٸنگٸ سٷيەمەلدەۋ تەتٸكتەرٸ جوق.
«قر وقۋ-اعارتۋ مينيسترلٸگٸنٸڭ مەلٸمەتٸنشە, پەداگوگتارعا ارنالعان كۋرستار ٶتكٸزۋ جٶنٸندەگٸ مەملەكەتتٸك تٸزٸلٸمٸندە بٷگٸنگٸ تاڭدا 100-دەن استام ۇيىم بار, ولاردىڭ باسىم كٶپشٸلٸگٸ جەكە ۇيىمدار. كٶپتەگەن قۇرىلىمدار ٶز جۇمىسىن ينتەرنەتتەگٸ پلاتفورمالار ارقىلى, سالالىق ۇيىمدار الدىندا ەشقانداي جاۋاپكەرشٸلٸكسٸز جەنە ەسەپ-قيساپسىز جٷرگٸزەدٸ – بۇل مۇعالٸمدەردٸڭ بٸلٸكتٸلٸگٸن ارتتىرۋ پروتسەسٸنٸڭ باقىلاۋسىز ٶسۋٸنە ەكەلەدٸ. بٸلٸم بەرۋ قىزمەتتەرٸن بەسەكەلەستٸك ورتاعا بەرۋ جاعدايلارى كٶبەيٸپ بارادى – بۇل اۋىر ەلەۋمەتتٸك سالدارعا الىپ كەلۋدە جەنە بٸلٸم ساپاسىنىڭ ارتۋىنا ىقپال ەتكەن جوق. ودان بٶلەك, مۇنداي جاعدايدا ەڭ باستى مەسەلە – جاۋاپكەرشٸلٸك تەتٸكتەرٸ قانداي», - دەپ اتاپ ٶتتٸ نۋرييا نييازوۆا.
دەپۋتات مەسەلەنٸ شەشۋ ماقساتىندا پەداگوگتاردىڭ بٸلٸكتٸلٸگٸن ارتتىرۋ ٷدەرٸسٸنە مەملەكەتتٸك باقىلاۋدى كٷشەيتۋدٸ ۇسىندى. اتاپ ايتقاندا, «ٶرلەۋ» ۇلتتىق ورتالىعىنا جٷيەنٸ ٷيلەستٸرۋ فۋنكتسيياسىن بەكٸتۋ, بٸلٸم بەرۋ قىزمەتتەرٸن ۇسىناتىن ۇيىمداردى مٸندەتتٸ تٷردە ليتسەنزييالاۋ تەرتٸبٸن ەنگٸزۋ, سونداي-اق دايارلىق ساپاسىنا قاتاڭ ستاندارتتار ەنگٸزۋ كەرەك.
«پەداگوگ كادرلاردى دايارلاۋ ساپاسىن ارتتىرۋ جٶنٸندەگٸ شارالاردان باستاۋ كەرەك. جوو تٷلەكتەرٸنٸڭ «پەداگوگتاردىڭ بٸلٸمٸن باعالاۋ» تەستٸلەرٸنٸڭ دەرەكتەرٸ بويىنشا ولاردىڭ دايىندىق دەڭگەيٸ ٶڭٸرلٸك جەنە ٶڭٸرٸشٸلٸك بٶلٸنٸستە ايتارلىقتاي سارالانادى. 2024 جىلى تەك 3490 تٷلەك نەمەسە 7653 تٷلەكتٸڭ 45,6 پايىزى 50 پايىزدىق شەكتٸ ەڭسەردٸ. جوعارعى وقۋ ورنىنداعى بٸلٸم ساپاسىنىڭ تٶمەندٸگٸنە وراي «قوسىمشا وقۋدىڭ» تيٸمدٸ جٷيەسٸن جولعا قويۋ جاعدايدى تٷزەتۋگە ىقپال ەتۋٸ مٷمكٸن. بۇل رەتتە پەداگوگ ماماندىقتارى بويىنشا تٷلەكتەردٸ دايارلاۋ ساپاسى ٷشٸن جوعارى وقۋ ورىندارىنىڭ ستاندارتتارى مەن جاۋاپكەرشٸلٸگٸن شۇعىل تٷردە ارتتىرۋ ماڭىزدى. مەملەكەتتٸك باقىلاۋدى كٷشەيتۋ مۇعالٸمدەردٸ دايارلاۋ ساپاسىن ارتتىرۋمەن قاتار بٸلٸم بەرۋ باعدارلامالارىنا تەرٸس كٶزقاراس جاعدايىن بولدىرماۋعا كٶمەكتەسەدٸ. مونيتورينگ پەن رەتتەۋدٸڭ جاڭا تەتٸكتەرٸن ەنگٸزۋ بٸلٸم بەرۋ جٷيەسٸنٸڭ تۇراقتى دامۋىن قامتاماسىز ەتەدٸ جەنە پەداگوگتاردىڭ كەسٸبي مەرتەبەسٸن نىعايتادى», - دەدٸ نۋرييا نييازوۆا.
