Foto: QR MAM
Roza Baǵlanova atyndaǵy «Qazaqkontsert» memlekettik akademiialyq kontserttik uiymynda Mádeniet jáne aqparat ministrliginiń qoldaýymen Halyq qaharmany, kórnekti kompozitor, kúishi, dirijer Nurǵisa Tilendievtiń 100 jyldyq mereitoiyna arnalǵan «Álqissa-Nurǵisa» atty mereitoilyq kontserttiń saltanatty ashylýy ótti, dep habarlaidy Ult.kz.
Bul kontsert kompozitordyń 100 jyldyǵyna arnalǵan merekelik is-sharalar baǵdarlamasynyń bastamasy boldy.
Keshte uly tulǵanyń qurmetine Memleket basshysynyń atynan gúl shoqtary tabys etildi.
Is-sharaǵa QR Mádeniet jáne aqparat ministri Aida Balaeva, belgili mýzykanttar, Qazaqstannyń eńbek sińirgen qairatkerleri, halyqaralyq baiqaýlardyń laýreattary, sondai-aq elimizdegi óner ujymdary qatysty. Olardyń qatarynda Jambyl atyndaǵy Qazaq memlekettik akademiialyq filarmoniiasynyń Nurǵisa Tilendiev atyndaǵy akademiialyq folklorly-etnografiialyq «Otyrarsazy» orkestri, Erkeǵali Rahmadiev atyndaǵy akademiialyq filarmoniiasynyń simfoniialyq orkestri, B. Baiqadamov atyndaǵy memlekettik hor kapellasy jáne tanymal ánshiler men ónerpazdar bar.
Foto: QR MAM
Kontserttik baǵdarlama boiynsha kórermenge Nurǵisa Tilendievtiń qazaq mýzykasynyń altyn qoryna engen shyǵarmalary usynyldy.
Jyl boiy Qazaqstannyń barlyq óńirinde 100-ge jýyq is-shara ótedi. Atap aitsaq, kórmeler, kontsertter, baiqaýlar men festivalder uiymdastyrý josparlanǵan.
Foto: QR MAM
Qazaq mýzykasynyń dara tulǵasynyń mereitoiy tek elimizde ǵana emes, IýNESKO jáne TÚRKSOI siiaqty bedeldi uiymdardyń qoldaýymen halyqaralyq deńgeide de atalyp ótedi.
Mereitoilyq baǵdarlamanyń basty is-sharasy– Qazaqstannyń Mádeniet kúnderi aiasynda Frantsiiadaǵy IýNESKO shtab-páterinde ótetin Nurǵisa Tilendievtiń 100 jyldyǵyna arnalǵansaltanatty kontsert. Sondai-aq AQSh-ta, áigili Karnegi-hollda, kontsert pen kórme uiymdastyrylsa, Beijińde «Qustar qaitypbarady» kontserti aiasynda kompozitordyń ánderi oryndalady.
