Foto: ashyq derekkóz
Marqumnyń advokaty Aianhan Omarov Ishki ister ministrliginen arnaiy komissiia kelip, jedel-tergeý toby qurylǵanyn habarlady. «Nekege turýǵa májbúrleý (125-1)» baby boiynsha qylmystyq is tirkelgen.
Advokat buǵan deiin Nuraidyń isi boiynsha tergeýshige 3 ret ótinishhat joldaǵanyn jazdy. Onda isti «asa qatygezdikpen adam óltirý» boiynsha qaita saralaýdy jáne stalking boiynsha da is qozǵaýdy talap etken.
Qazir jas qyzdy pyshaqtap óltirgen kúdikti «adam óltirý» babymen tergelip jatyr. Bul bapta 8 jyldan 15 jylǵa deiin bas bostandyǵynan aiyrý jazasy kózdelgen.
Eske salsaq, Shymkentte 11 qańtarda Nurai Serikbai stalkerdiń qolynan kóz jumdy. Kúdikti boijetkendi jarty jyldan beri artynan qalmai ańdyǵan. Qorqytyp, erkinen tys alyp qashqan.
Is rezonans týdyrǵannan keiin marqumnyń aryzyn qaramai qoiǵan politsiia qyzmetkerleri jumystan bosatylyp, «salǵyrttyq» isi boiynsha qylmystyq is qozǵaldy.
