Qazaqstandyq fýtbolshy Nuráli Álip «Zenit» komandasy sapynda Resei birinshiliginde tusaýkeser oiynyn ótkizdi, - dep habarlaidy QazAqparat.
Aita ketsek, Nuráli Álip biyl Reseidiń «Zenit» komandasyna aýysqan bolatyn.
Reseilik klýb búgin óz alańynda Bashqurstannyń «Ýfa» komandasyn qabyldady. Qarsylasyn 2:0 esebimen tize búktirdi.
Qazaqstandyq fýtbolshy 78-minýtta braziliialyq jartylai qorǵaýshy Vendeldi almastyrdy.
Budan buryn ol Resei kýbogynyń 1/8 finalynda «KaMAZ» komandasyna qarsy oiynda jasyl alańǵa shyqqan edi.
Nuráli Paktuly Álip 1999 jyldyń 22 jeltoqsanynda Aqtaý qalasynda dúniege kelgen. Buǵan deiin fýtbolshy mansabynda Almatynyń «Qairat» komandasynda ótkizdi.
Ol biyl qańtarda «Zenittiń» oqý-jattyǵý jiynyna shaqyrtý alǵan bolatyn.
Atlantic Cup kýbogynda Daniianyń «Midtiýlland» jáne «Brondbiý» komandalary qaqpasyna eki gol soqty. Ol óziniń jańa klýbynda 28 nómirli jeidede oiyn kórsetedi.
