Shymkentte qańtar aiynda pyshaq jaraqatynan kóz jumǵan 21 jastaǵy stýdent Nurai Serikbaidyń ólimine qatysty sot protsesi 21 shildede bastalady, dep habarlaidy ult.kz Alash.kz saityna silteme jasap.
Jábirlenýshi taraptyń advokaty Aianhan Omarovtyń málimdeýinshe, qylmys jasady dep aiyptalyp otyrǵan kúdikti marqum qyzben aldyn ala tanys bolǵan. Qorǵaýshy aldaǵy alǵashqy otyrysta isti sýdianyń jeke ózi nemese alqabiler soty qaraityndyǵy týraly negizgi másele sheshiletinin aitty. Oǵan qosa, bul jiynda memlekettik aiyptaýshy, iaǵni prokýror anyqtalyp, kelesi sot otyrysynyń naqty ýaqyty belgilenbek. Sonymen qatar alǵashqy tyńdalym barysynda sot protsesiniń formaty, atap aitqanda, otyrystardyń ashyq, jabyq rejiminde nemese onlain transliatsiia arqyly ótý múmkindigi de jan-jaqty qarastyrylady.
Eske sala ketsek, qaiǵyly oqiǵa 2026 jyldyń 11 qańtarynda keshki ýaqytta Shymkent qalasynda oryn alǵan bolatyn. Nurai ózi turatyn úiden shyqqan sátte onyń sońynan belgisiz er adam ańdyp túsken. Boijetken qaskóiden qashyp qutylýǵa árekettengenimen, kúdikti ony qýyp jetip, denesine birneshe ret pyshaq suqqan. Alǵan aýyr jaraqattardyń saldarynan boijetken es jimastan oqiǵa ornynda jan tapsyrdy.
