شىمكەنتتە قاڭتار ايىندا پىشاق جاراقاتىنان كٶز جۇمعان 21 جاستاعى ستۋدەنت نۇراي سەرٸكبايدىڭ ٶلٸمٸنە قاتىستى سوت پروتسەسٸ 21 شٸلدەدە باستالادى, دەپ حابارلايدى ult.kz Alash.kz سايتىنا سٸلتەمە جاساپ.
جەبٸرلەنۋشٸ تاراپتىڭ ادۆوكاتى ايانحان وماروۆتىڭ مەلٸمدەۋٸنشە, قىلمىس جاسادى دەپ ايىپتالىپ وتىرعان كٷدٸكتٸ مارقۇم قىزبەن الدىن الا تانىس بولعان. قورعاۋشى الداعى العاشقى وتىرىستا ٸستٸ سۋديانىڭ جەكە ٶزٸ نەمەسە القابيلەر سوتى قارايتىندىعى تۋرالى نەگٸزگٸ مەسەلە شەشٸلەتٸنٸن ايتتى. وعان قوسا, بۇل جيىندا مەملەكەتتٸك ايىپتاۋشى, ياعني پروكۋرور انىقتالىپ, كەلەسٸ سوت وتىرىسىنىڭ ناقتى ۋاقىتى بەلگٸلەنبەك. سونىمەن قاتار العاشقى تىڭدالىم بارىسىندا سوت پروتسەسٸنٸڭ فورماتى, اتاپ ايتقاندا, وتىرىستاردىڭ اشىق, جابىق رەجيمٸندە نەمەسە ونلاين ترانسلياتسييا ارقىلى ٶتۋ مٷمكٸندٸگٸ دە جان-جاقتى قاراستىرىلادى.
ەسكە سالا كەتسەك, قايعىلى وقيعا 2026 جىلدىڭ 11 قاڭتارىندا كەشكٸ ۋاقىتتا شىمكەنت قالاسىندا ورىن العان بولاتىن. نۇراي ٶزٸ تۇراتىن ٷيدەن شىققان سەتتە ونىڭ سوڭىنان بەلگٸسٸز ەر ادام اڭدىپ تٷسكەن. بويجەتكەن قاسكٶيدەن قاشىپ قۇتىلۋعا ەرەكەتتەنگەنٸمەن, كٷدٸكتٸ ونى قۋىپ جەتٸپ, دەنەسٸنە بٸرنەشە رەت پىشاق سۇققان. العان اۋىر جاراقاتتاردىڭ سالدارىنان بويجەتكەن ەس جيماستان وقيعا ورنىندا جان تاپسىردى.
