Shymkentte Nuraidyń qazasyna qatysty basty sot otyrysy bastaldy, dep habarlaidy ult.kz.
Stan.kz dereginshe, otta 29 jastaǵy kúdikti Sherhan Aimahannan jaýap alyndy. Aitýynsha, ol Nuraimen 2025 jyldyń jazynda kezdese bastaǵan. Aiyptalýshy qyzǵa únemi aqsha berip, syilyqtar jasaǵanyn, al qazan aiynda ekeýi úilenýge keliskenin málimdedi. Ol 11 qańtar kúni Nuraidy kezdesýge shaqyryp, aiyrylysatynyn aityp, syilaǵan saqinasyn qaitaryp almaq bolypty.
"Men aiyrylysamyz degen kezde ol ashýlanyp, saqinany kóshege laqtyryp jiberdi. Keiin keýdeme soqqy jasap, balaǵat sózder aita bastady. Bir kezde qaltamda pyshaq baryn sezdim. Kishirek pyshaqty shyǵaryp, oǵan ustatyp: "Urǵansha, pyshaqtai sal" dedim. Nurai pyshaqty alyp, oń jaq búiirime suqty... Odan keiin ne bolǵany esimde joq", – dedi aiyptalýshy.
Oǵan qosa aiyptalýshy Nuraidyń týystary olardyń qarym-qatynasy týraly bilgenin jáne kezdesýlerine kelisim bergenin aitty.
Buǵan deiin 11 qańtar kúni keshke Shymkentte kópqabatty turǵyn úidiń mańynan qyzdyń máiiti tabylǵan edi. Oǵan aiyptalýshy 36 ret pyshaq suqqany aityldy.
