Nur-Sultan qalasynyń ákimi Altai Kólginov elordada qazirgi kúni shamaman bir aiǵa jetkilikti dári-dármek qory jinalǵanyn málim etti, dep habarlaidy "Ult aqparat".
«Qaladaǵy kolledjderden 275 jas maman emhanalarda jumysqa ornalasty. Jalpy alǵanda oqý oryndarynan 500-den astam jas meditsinalyq mamandar tartýdamyz. Olarǵa elordalyq dárigerlermen birdei eńbek jáne demalys jaǵdaiy qarastyrylǵan», - dedi Altai Kólginov Úkimet otyrysynda.
Elorda ákimi dárihanalyq jelilerdiń distribiýterlerine logistika, dári-dármekterdi satyp alý jáne qalaǵa jetkizý rásimderin jeńildetý máseleleri boiynsha qoldaý kórsetilip jatqanyn aityp ótti.
«12 shildeden bastap elordaǵa Túrkiia, Resei, Úndistan jáne basqa da elderden suranysqa ie farmakologiialyq toptarǵa kiretin (virýsqa qarsy, antibakterialdy terapiia, antikoagýlianttar jáne antikoagýlianttar) 110 tonnadan astam meditsinalyq preparattardyń 4,5 million qaptamasy jetkizildi. Dári-dármekter dárihanalardyń iri jelilerine teńdei bólinip jetkizildi, qazirgi kúni shamaman 1-aiǵa jetkilikti qor qalyptastyryldy», - dedi ol.
