Aqmola oblysynda keshe keshke boranǵa bailanysty Nur-Sultannan Shýchinskige deiingi jol jabyldy. Osyǵan bailanysty avtokólikter 12 saǵat dalada qozǵalyssyz turýǵa májbúr boldy, - dep habarlaidy Tengrinews.kz.
11 naýryzda saǵat 19.00-de Nur-Sultan-Petropavl avtojolynyń 18-231-shaqyrymynda, Nur-Sultannan Shýchinskige deiingi aqyly ýchaskede avtokóliktiń barlyq túri úshin shekteý engizildi.
"Býrabai-Nur-Sultan tasjolynda Shortandy mańynda 12-shi saǵat turmyz, eshkim naqty eshteńe aita almaidy. Patrýldik kóliktermen saǵatyna 10 shaqyrym jyldamdyqpen júrsek te, astanaǵa baiaǵyda jetip alar edik, biraq biz turmyz. Munda balalar bar, adamdarda benzin taýsylyp jatyr, tońyp otyrmyz", - dep shaǵymdandy jolda qalyp qoiǵan júrgizýshiler.
