Nur-Sultan qalasynyń ekonomika jáne biýdjettik josparlaý basqarmasynyń basshysy Qaisar Manqaraev elordadaǵy jumyssyzdyqtyń qai deńgeide ekenin aitty, dep habarlaidy QazAqparat.
Basqarma basshysynyń aitýynsha, shaǵyn jáne orta biznes salasynda birinshi jartyjyldyq qorytyndysy boiynsha ónim shyǵarý kólemi 3 trln 981 mlrd teńgeni qurady, bul ótken jyldyń sáikes kezeńimen salystyrǵanda 38,7%-ǵa kóbirek.
«2021 jyldyń ekinshi toqsanynda jumyssyzdyq deńgeii 4,6%-dy qurady. Kásipkerlikti damytýdyń ulttyq jobasyn iske asyrý jyl saiyn ekonomikanyń qyzmet kórsetý salalarynda 23 myńǵa jýyq turaqty jumys ornyn qurýǵa múmkindik beredi», - dedi Qaisar Manqaraev qalalyq máslihattaǵy turaqty komissiia otyrysynda.
Sondai-aq, spikerdiń aitýynsha, 9 aida Nur-Sultandaǵy ónerkásiptik óndiris 982,5 mlrd teńgeni qurady, munda 12,6% ósim bar. Jyl basynan beri 2 mln sharshy metrden astam turǵyn úi paidalanýǵa berilgen, bul 2020 jyldyń kórsetkishinen 11%-ǵa joǵary.
