Elordada oryn alǵan iri jol apaty saldarynan zardap shekkenderdiń úsheýi jansaqtaý bóliminde jatyr. Bul jóninde №2 kópbeiindi qalalyq aýrýhananyń bas dárigeri Ivan Li málimdedi, dep jazady Baq.kz agenttigi.
«Keshe zardap shekken azamattardyń alǵashqysy bizge tańǵy saǵat 09:40-ta jetkizildi. Sodan saǵat 10:30-ǵa deiin bizge bir sátte aýyr haldegi 24 zardap shegýshi jetkizildi. Jaralanǵan adamdardy toptastyryp, jaraqaty boiynsha suryptaý arqyly shuǵyl meditsinalyq kómek kórsetý ádisi bizdiń ońtaily áreket etýimizge septigin tigizdi», - dedi №2 kópbeiindi qalalyq aýrýhananyń bas dárigeri Ivan Li.
Bas dáriger atalǵan jol apatynan zardap shekken jalpy 29 azamatqa №2 aýrýhana qyzmetkerlerimen kómek kórsetilgenin aitty.
«Onyń ishinde, 14 adamǵa alǵashqy meditsinalyq kómek kórsetilip, olar úilerine jiberildi. Qalǵany statsionarǵa jatqyzyldy. Bir emdelýshi biliktiligi joǵary mamandardyń kómek kórsetýi úshin arqa tusynyń aýyr jaraqatymen neirohirýrgiia ortalyǵyna aýystyryldy. Qalǵan zardap shekkenderge bizdiń mekeme mamandarymen shuǵyl ota jasaldy. Qazirgi ýaqytta úsh azamattyń jaǵdaiy turaqty aýyr kúide qalyp otyr. Alaida, olardyń ómirine esh qaýip tónip turǵan joq. Osylaisha, travmatologiia bóliminde 8 adam, torakaldyq hirýrgiia bóliminde 2 adam, jansaqtaý bóliminde 3 adam jatyr», - dedi Ivan Li.
Ol zardap shekkenderdiń arasynda Filippin azamatshasy bar ekenin rastady.
«Ol azamatsha jaqynda ǵana bizdiń elge kommertsiialyq kompaniianyń shaqyrtýymen kelgen. Onyń jaraqaty aitarlyqtai aýyr. Qazir torakaldyq hirýrgiia bólimshesinde em alyp jatyr. Jaqyn ýaqytta oǵan keýdeishilik qan ketýdi toqtatý boiynsha ota jasalady. Qazir kompiýterlik tomografiia júrgizilýde», - degen ol torakoskopiialyq ota jasaý máselesi búgin sheshiletinin aitty.
«Ózderińiz biletindei, keshe elordada úsh jolaýshylar avtobýsynyń qatysýymen jol apaty oryn aldy. Sonyń saldarynan eki adam qaza tapty. Olardyń týystaryna qaiǵyryp kóńil aitamyz. Keshegi jol apatynda jedel meditsinalyq járdem kóligine de zaqym kelip, kólik júrgizýshisi men eki feldsher jaraqat aldy. Olar oqiǵa oryn ala salysymen tez arada ratsiia arqyly jedel járdem shaqyrǵan. Bul osy oqiǵa boiynsha shuǵyl áreket jasaýǵa múmkindik berdi. Jalpy 36 adam zardap shegip, olarǵa meditsinalyq kómek kórsetilgen. Keshe shamamen jedel meditsinalyq kómektiń 15 brigadasy atalǵan jol apatyna jumyldyryldy.
Tańǵy saǵat 09:19-da 103 pýltine iri jol apaty oryn alǵany jáne zardap shekkender kóp ekeni týraly habarlama kelip jetti. Birinshi bolyp jaqyn mańda júrgen jedel járdem kóligi jóneltildi. Mashinalar bizde GPS arqyly ornalasqan jeri anyqtalatynyn bilesizder. Sondyqtan, dispetcher ál sol aýmaqta turǵan kólikti anyqtaǵan. Alaida, ol kóliktiń de jol apatyna ushyraǵanyn bilmegen. Feldsher ózi bailanysqa shyǵyp, tez arada ózderine kómek kórsetken soń, basqa ashzamattarǵa shuǵyl kómek kórsetetinin habarlady. Sáti túskende, dál sol avtobýstardyń birinde túngi aýysymnan úiine qaityp bara jatqan bizdiń feldsher bolǵan. Ol qudai saqtap esh jaraqat almaǵan. Dál osy feldsher áriptesterine jáne zardap shekkenderge kómek kórsetýge atsalysty. Iaǵni, qan toqtatyp, shokqa qarsy ýkol saldy. Keshe aýyr jaraqat alǵan 22 adamǵa 30 minýttyń ishinde alǵashqy kómek kórsetilip, meditsinalyq mekemege jetkizildi», - dedi I.Li arnaiy baspasóz máslixatynda.
Ol keshe oqiǵa ornynda alǵashqy bolyp meditsinalyq kómek kórsetip, shuǵyl áreket etken tórt qyzmetker – bir dáriger men úsh feldsher Izrailde jedel meditsinalyq kómek boiynsha oqyp kelgenin aitty.
