Nur-Sultan qalasynda úsh avtobýstyń qatysýymen iri jol apaty boldy, dep habarlaidy politsiia departamentiniń baspasóz qyzmeti.
Politsiia habarlaǵandai, 26 naýryz kúni Uly Dala kóshesi men Qabanbai batyr dańǵyly qiylysynda qala mańyna qatynaityn №303 avtobýs pen №12 baǵdarly avtobýs soqtyǵysqan. Keiin olarǵa №53 qoǵamdyq kólik pen jedel járdem kóligi soǵyldy.
"Jol apaty saldarynan №303 avtobýstyń júrgizýishisi men bir jolaýshysy qaza tapty", - dep málimet berdi politsiia departamenti.
Qazir politseiler oqiǵa ornynda jumys istep jatyr, kólik apatynyń mán-jaiy anyqtalýda.
«Bul qala mańyndaǵy baǵdar, eki avtobýsqa úshinshisi kelip soǵyldy. Qazirgi kezde oqiǵanyń mán-jaiy anyqtalyp jatyr. Zardap shekkender bar ekendigi týraly málimet kelip tústi. Aldyn ala aqparat boiynsha mert bolǵan adamdar da bar», - dep jaýap qaiyrdy resmi saýalǵa «Astana LRT» JShS qoǵammen bailanys departamentiniń basshysy Naýat Azanbaeva.
Áleýmettik jelide jol apaty bolǵan sátte túsirilgen jantúrshigerlik video jariialandy.
Elordada bolǵan jantúrshigerlik jol apaty ornyna qala ákimi Baqyt Sultanov ta bardy.
Nur-Sultan qalasy ákiminiń baspasóz hatshysy Elvira Júrgenbaevanyń atap ótýinshe, elorda ákimi B. Sultanov Qabanbai batyr dańǵylyndaǵy iri jol-kólik oqiǵasy oryn alǵan jerge shuǵyl túrde barǵan.
