Nur-Sultan qalasynyń Bas memlekettik sanitarlyq dárigeri J. Q. Pralieva koronavirýstyq infektsiianyń taralýyn boldyrmaý maqsatynda jańa qaýly shyǵardy, dep habarlaidy "Ult aqparat".
Qaýlyǵa sáikes, Nur-Sultan qalasynyń turǵyndaryna oiyn-saýyq, sporttyq jáne basqa da buqaralyq is-sharalardy, sondai-aq otbasylyq, eske alý is-sharalaryn (banketter, úilený toilary, mereitoilar, eske alý), onyń ishinde úide ótkizýge, mitingiler, sherýler, jiyndarǵa salynǵan shekteý jalǵasady.
Áleýmettik qashyqtyqty mindetti túrde 2 metrden kem emes saqtai otyryp, jeke tártippen jáne 5 adamnan aspaityn toppen tek ashyq aýada sporttyq jattyǵýlar ótkizýge bolady.
Qyzmeti qaita bastalmaǵan obektilerge: biliard, karaoke, boýling ortalyqtary, kompiýterlik jáne oiyn klýbtary, túngi klýbtar, jabyq ǵimarattardaǵy balalar oiyn alańdary men attraktsiondary, batýttar, karaoke, býkmekerlik keńseler men lotereialar utys oiyny jáne t. b. barýǵa tyiym salý kúshinde qalady.
65 jastan asqan adamdardyń qala jáne qoǵamdyq oryndar boiynsha júrip-turýyna shekteý áli de jalǵasady.
Mindetti túrde betperde kiip jáne keminde 2 metr áleýmettik qashyqtyqty saqtai otyryp, aýlalarda serýendeýge jáne saiabaqtarǵa, alańdarǵa, skverlerge, jaǵalaýlarǵa 3 adamnan aspaityn toptarmen nemese bir otbasy múshelerimen barýǵa ruqsat.
Qoǵamdyq oryndarǵa, onyń ishinde qalalyq qoǵamdyq kólikterge jáne qyzmeti ruqsat etilgen obektilerge barǵan kezde, kóshede júrý kezinde (5 jasqa deiingi balalardy qospaǵanda jáne ashyq aýada sportpen shuǵyldaný kezinde) betperde kiiý, qashyqtyqty saqtaý jáne antiseptikterdi paidalaný jónindegi talaptardy qatań saqtaý qajet.
Basqa da shekteýler men ruqsat etilgen jaǵdailarmen myna silteme arqyly tanysýǵa bolady.
