Elordanyń bas sanitarlyq dárigeri Janna Pirálieva qaladaǵy kinoteatrlardyń jumys kestesi jaiynda aityp berdi, dep habarlaidy "Ult aqparat".
Onyń aitýynsha, 26 jeltoqsannan bastap oryndar sanyn 30 paiyzdan asyrmai, kórermenderdi eki oryn saiyn jáne qatar boiynsha shahmat tártibimen otyrǵyzý arqyly, kúsheitilgen sanitarlyq-epidemiologiialyq normalardy saqtai otyryp, kinoteatrlardyń jumys jasaýyna ruqsat etiledi.
«Kinoteatrlar jumys, demalys jáne mereke kúnderi saǵat 10:00-den 24:00-ge deiin jumys isteidi. Eger karantin jáne shekteý sharalaryn buzý faktisi anyqtalsa, kinoteatrlardyń jumysy toqtatylady», - dedi Janna Pirálieva onlain brifingide.
