Foto: Tengrinews.kz/Turar Qazanǵapov
"QazMunaiGaz" UK" AQ basqarma tóraǵasy Maǵzum Myrzaǵaliev Nur-Sultan ortalyǵyndaǵy ulttyq kompaniia kesheni nege aýktsionnan alynǵanyn aitty, - dep habarlaidy Tengrinews.kz agenttigi.
Myrzaǵalievtiń aitýynsha, "QazMunaiGaz" ǵimaraty aýktsiony baǵalaý negizdiligine qatysty suraqtar týyndaýyna bailanysty toqtatylǵan.
"Bul aityp otyrǵan ǵimarat bizge tiesili. Sondyqtan aýktsionǵa bailanysty, shynymen de osyndai jumys boldy, óitkeni qazir bul ǵimarattan kóship ketkenbiz. Qazir bul ǵimaratty Energetika ministrligi alyp jatyr. Aýktsion nege ótpei qaldy? Óitkeni baǵalaý týraly, baǵalaýdyń negizdiligi týraly suraqtar týyndap, qazir baǵalaýshylarmen jumys júrgizip jatyrmyz. Bul jumysty atqara salysymen, sizderge jáne jurtshylyqqa habarlaimyz dep oilaimyn", - dedi Myrzaǵaliev Ortalyq kommýnikatsiialar qyzmetinde ótken brifingte.
Onyń aitýynsha, Nur-Sultandaǵy "QazMunaiGaz" ǵimaraty baǵalanǵan soma jetkilikti.
"Shyn máninde, baǵalaýshylar arzan baǵa qoimady. Óitkeni 11,7 milliard teńge ábden barabar dep baǵalanyp, elordamyzdaǵy jyljymaityn múlik naryǵyna sai. Biraq bul baǵalaýdy júrgizgen baǵalaýshynyń quzyretine qatysty suraqtar týyndady. Bul máseleler onyń attestatsiiasyna qatysty", - dep túsindirdi ol.
