Foto Tengrinews.kz/Nadejda Lykova
Nur-Sultanda "Abý-Dabi Plaza" kópfýnktsionaldy kesheninde jeldetkish kamera órtendi, - dep habarlaidy Tengrinews.kz.
Qalalyq Tótenshe jaǵdailar departamentiniń málimetinshe, Syǵanaq kóshesi, 60/5 úiiniń boiynda órt shyqqany týraly habarlama saǵat 14.57-de túsken.
"Shaqyrtýdyń joǵary nómiri boiynsha Nur-Sultan qalasy TJD órt sóndirý bólimsheleri jedel joldanǵan, 4 minýta kelip jetken órt sóndirý bólimsheleri ǵimarattyń 1 qabatynda jeldetkish kamerasynyń janýy oryn alǵanyn anyqtaǵan. Zardap shekkender men qaza bolǵandar joq. Órt sóndirýshilerdiń kelip jetkenge deiin qyzmetkerler men kelýshiler óz betinshe evakýatsiialanǵan", - delingen habarlamada.
