Búgin Memleket basshysy Qasym-Jomart Toqaevtyń latyn grafikasyna negizdelgen álipbidi jetildirý týraly tapsyrmasyna sáikes, Qazaqstan Jazýshylar odaǵynyń Nur-Sultan qalasyndaǵy filialynda jazýshylar men ǵalymdar arasynda álipbi talqydan ótti. Til saiasaty komitetiniń uiymdastyrýymen ótken is-sharada Prezident Ákimshiligi Basshysynyń birinshi orynbasary M.Áshimbaevtyń táýelsiz sarapshylarmen ótken kezdesýdegi usynystary qaraldy, dep habarlaidy "Ult aqparat".
Is-sharaǵa Qazaqstan Respýblikasy Mádeniet jáne sport vitse-ministri Nurǵisa Dáýeshov, Til saiasaty komiteti tóraǵasynyń orynbasary Ádilbek Qaba, «Til-Qazyna» ulttyq ǵylymi-praktikalyq ortalyǵynyń bas direktory, jazýshy Álibek Asqar, Qazaqstan Jazýshylar odaǵy Nur-Sultan filialynyń tóraǵasy Dáýletkerei Kápuly jáne basqa da jazýshylar men ǵalymdar qatysty.
Jiynda «Til-Qazyna» ulttyq ǵylymi- praktikalyq ortalyǵynyń ǵalym hatshysy Anar Fazyljanova qazaq álipbiiniń jetildirilgen jobasyn tanystyryp, birqatar erekshelikterge toqtaldy. «Ń dybysy halyqaralyq fonetikalyq álipbide bar Ŋ tańbasymen berildi. Mysaly: aŋşy, jaŋbyr, köleŋke. Fonetikalyq negizi Ŋ tańbasy muryn joldy, úndi daýyssyz dybysty (ń) belgileidi. Al ádistemelik negizi degende ol Ŋ qoldy úzbei jazýǵa yńǵaily ári jolústi tańbalaryn kóbeitpeidi. Sondai-aq kirilnegizdi qazaq álipbiindegi Ń grafikasyna uqsas bolǵandyqtan oǵan tez daǵdylanady», - dedi ol.
Al, Qazaqstan Respýblikasy Mádeniet jáne sport vitse-ministri Nurǵisa Daýeshov talqylaýdyń Jazýshylar odaǵy ǵimaratynda ótýi mańyzdy ekenin atap ótti.
«Álipbi - el erteńi. Ony jan-jaqty talqylap, fonetik ǵalymdardyń negizdemeleri negizinde jasaý - búgingi kúnniń basty talaby. Jazýshylar úii - rýhani ómirimizdiń qainaǵan ordasy. Bul jerde rýhani sheshimderge jetýge bolady. Myna tarihi sýretterdiń ózi de sóilep tur. Alash qairatkerleri de osyndai ortada Alash taǵdyryn sheshken. Álipbige mańyz berip, jeti ret ólshep, bir ret sheshiletin is. Qazaqtyń ár qarpiniń astarynda ulttyq bolymys, qazaqty qazaq etip turǵan qasieti tur. Sondyqtan da biz álipbi jasaýda ár qaripke deiin jiti kóńil bólip, aldyńyzǵa kelip talqylap otyrmyz» -dedi vitse-ministr.
«Bizdiń qazaq tili de qypshaq tilder tobyna jatady. Demek, túrik babalarymyz bizdiń baiyrǵy tilimizde sóilep, sol tilmen imperiiasyn basqaryp, sol tilmen álem órkenietine óz úlesin qosa bildi. Al jańa álipbi bizdiń halyqtyń qajetine, kóptiń kádesine jaraityndai bolǵany abzal. Biz osy jobany qoldaimyz. Ásirese, myna Ń tańbasynyń Ŋ dep tańbalanýy qýantady», - deidi Halyqaralyq Shyńǵys han akademiiasynyń akademigi, filologiia ǵylymynyń doktory, jazýshy Karjaýbai Sartqoja.
