Nur-Sultan qalasynda beisenbige qaraǵan túni jantúrshigerlik jol apatynan bes adam ajal qushty.
Elorda politsiia departamentiniń baspasóz qyzmeti oqiǵa 30 qyrkúiekte saǵat 00.34-te bolǵanyn habarlady.
"Toyota Camry avtokóliginiń 19 jastaǵy júrgizýshisi Esil ózeni arqyly ótetin kópirden Saraishyq kóshesine qarai júrip, jyldamdyqty asyrǵan. Artynsha róldi basqara almai, qarsy qozǵalys jolaǵyna shyǵyp, Nexia Ravon avtokóligimen soqtyǵysqan. Ol kóliktiń tizgininde 28 jastaǵy júrgizýshi boldy", - dedi politsiia ókili.
Jol apatynan 5 adam qaza taýyp, 1 adam jaraqat aldy.
"Oqiǵa ornynda eki júrgizýshi, úsh jolaýshy qaza boldy. Toyota Camry-diń bir jolaýshysy aýyr halde qalalyq aýrýhanaǵa jatqyzyldy. Atalǵan fakti boiynsha Qylmystyq kodekstiń 345-baby 4-bóligi (kólikti basqaratyn adamdardyń jol júrisi nemese kólikti paidalaný qaǵidalaryn buzýy abaisyzda eki nemese odan da kóp adamnyń ólimine ákep soqqan jaǵdai) boiynsha qylmystyq is qozǵaldy", - dep tolyqtyrdy vedomstvo ókili.
Politsiia departamenti júrgizýshilerden jol erejelerin qatań saqtaýdy suraidy.
