نۇر-سۇلتان قالاسىندا بەيسەنبٸگە قاراعان تٷنٸ جانتٷرشٸگەرلٸك جول اپاتىنان بەس ادام اجال قۇشتى.
ەلوردا پوليتسييا دەپارتامەنتٸنٸڭ باسپاسٶز قىزمەتٸ وقيعا 30 قىركٷيەكتە ساعات 00.34-تە بولعانىن حابارلادى.
"Toyota Camry اۆتوكٶلٸگٸنٸڭ 19 جاستاعى جٷرگٸزۋشٸسٸ ەسٸل ٶزەنٸ ارقىلى ٶتەتٸن كٶپٸردەن سارايشىق كٶشەسٸنە قاراي جٷرٸپ, جىلدامدىقتى اسىرعان. ارتىنشا رٶلدٸ باسقارا الماي, قارسى قوزعالىس جولاعىنا شىعىپ, Nexia Ravon اۆتوكٶلٸگٸمەن سوقتىعىسقان. ول كٶلٸكتٸڭ تٸزگٸنٸندە 28 جاستاعى جٷرگٸزۋشٸ بولدى", - دەدٸ پوليتسييا ٶكٸلٸ.
جول اپاتىنان 5 ادام قازا تاۋىپ, 1 ادام جاراقات الدى.
"وقيعا ورنىندا ەكٸ جٷرگٸزۋشٸ, ٷش جولاۋشى قازا بولدى. Toyota Camry-دٸڭ بٸر جولاۋشىسى اۋىر حالدە قالالىق اۋرۋحاناعا جاتقىزىلدى. اتالعان فاكتٸ بويىنشا قىلمىستىق كودەكستٸڭ 345-بابى 4-بٶلٸگٸ (كٶلiكتٸ باسقاراتىن ادامداردىڭ جول جٷرٸسٸ نەمەسە كٶلiكتٸ پايدالانۋ قاعيدالارىن بۇزۋى ابايسىزدا ەكi نەمەسە ودان دا كٶپ ادامنىڭ ٶلiمiنە ەكەپ سوققان جاعداي) بويىنشا قىلمىستىق ٸس قوزعالدى", - دەپ تولىقتىردى ۆەدومستۆو ٶكٸلٸ.
پوليتسييا دەپارتامەنتٸ جٷرگٸزۋشٸلەردەن جول ەرەجەلەرٸن قاتاڭ ساقتاۋدى سۇرايدى.
