Nur-Sultanda vaktsinalanǵandar arasynda taǵy eki iPhone12 jáne basqa da baǵaly syilyqtardyń jeńimpazdary belgili boldy, dep habarlaidy "Ult aqparat" elorda ákimdiginiń resmi saityna silteme jasap.
Taǵy eki iPhone12 men turmystyq tehnikanyń segizinshi utys oiyny 28 tamyzda (senbi) saǵat 17:00-de Nur-Sultan qalasy ákimdiginiń áleýmettik jelilerdegi (Facebook, YouTube) paraqshalarynda tikelei efirde ótti.
Segizinshi utys oiynyna 21 tamyz ben 27 tamyz aralyǵynda (qosa alǵanda) vaktsinatsiialanǵandar qatysty.
Segizinshi utys oiynynyń jeńimpazdary:
1) № 7613 Ádilbek Ábenov – iPhone 12;
2) № 197 Gúljazira Nuǵymanova – iPhone 12;
3) № 2507 Kereeva Dinara Zarapovna – «Mechta» dúkender jelisiniń tońazytqyshy;
4) № 6689 Kýmakov Sabyrjan Sailaýbekuly – «Mechta» dúkender jelisiniń teledidary;
5) № 5186 Hamitova Didar Amangeldinovna – «Mechta» dúkender jelisinen kir jýǵysh mashinasy.
Vaktsinalanǵandardyń arasynda sońǵy úlgidegi iPhone telefonynyń 19 danasy, 6 tońazytqysh, 4 teledidar, 2 planshet, 4 mikrotolqyndy pesh, 5 printer, 2 beinetirkegish, kir jýǵysh mashinalar, Alisa aqyldy kolonkasy, aýa ylǵaldandyrǵysh jáne t.b. oinatyldy.
Elorda turǵyndarynyń ótinishin eskere otyryp, vaktsinalanǵandar arasynda ótetin eki bólmeli páterdiń utys oiyny uzartyldy. Osylaisha, 25 maýsym men 28 qyrkúiek aralyǵynda (28 qyrkúiek qosa alǵanda, buryn 31 tamyz bolǵan) Nur-Sultanda vaktsinalanǵandardyń eki bólmeli páterdi utyp alý múmkindigi bar. Utys oiynyna osy jyldyń 25 maýsymy men 28 qyrkúiegi aralyǵynda vaktsinanyń birinshi komponentin alǵan 18 jastan asqan turǵyndar qatysa alady.
Bul utys oiyndaryna vaktsinatsiianyń barlyq pýnkti qatysady: meditsinalyq mekemeler, SOO/SÚ. Utys oiynyna qatysý avtomatty, arnaiy qujat toltyryp, tirkelýdiń qajeti joq. Qala ákimdigi baǵaly syilyqtardyń utys oiyndaryn demeýshiler esebinen ótkizedi.
Birge platformasynda (https://birge-elorda.kz/nur-sultan) utys oiynynyń jeńimpazdaryn anyqtaý úshin arnaiy randomaizer servisi ornatylǵan, ol ekpe alǵandar arasynda ID arqyly júlde ielerin tańdaidy. Ázirleýge IT-qaýymdastyq ta qatysty. Vaktsinalanǵandar boiynsha servis QR Densaýlyq saqtaý ministrliginiń aqparattyq júiesimen biriktirilgen.
Baǵaly syilyqtardyń utys oiyndary qala turǵyndary men qonaqtaryn vaktsinalaýǵa yntalandyrý úshin ótkiziledi. Tek vaktsinatsiia sizdiń de densaýlyǵyńyzdy, jaqyndaryńyz ben ainalańyzdaǵy adamdardyń da densaýlyǵyn qorǵaýǵa múmkindik beredi. Óitkeni, basty maqsat – ujymdyq immýnitetti damytý jáne burynǵy karantinge deiingi rejimge oralý.
