Elordalyq órt sóndirýshiler vagondaǵy órtti sóndirdi, dep habarlaidy "Ult aqparat".
19 qarashada tańǵy saǵat 03.11 kezinde Nur-Sultan qalasy Kemeńgeruly, 9/8 mekenjaiynda ornalasqan poiyz janyp jatqany týraly habarlama kelip tústi. Bul týraly tótenshe jaǵdailar ministrliginiń resmi ókili Talǵat Ýáli habarlady.
Quramynda 15 adam jáne 3 tehnikasy bar elordalyq órt sóndirýshiler oqiǵa ornyna jedel jetken. № 50 temirjolda turǵan rezervtik vagondaǵy órt 50 sharshy metrdi sharpyǵan.
Jalynnyń áserinen kórshi joldaǵy vagon arbalaryn ornalastyrýǵa arnalǵan platformada turǵan shynjyr tabandy traktordyń kabinasy da janyp ketken.
Órt tańǵy saǵat 04:22-de aýyzdyqtalyp, sóndirildi.
Qaza bolǵandar men zardap shekkender joq. Órttiń shyǵý sebebi anyqtalyp jatyr.
