Nur-Sultanda jeke turǵyn úi órtenip, 80 jastaǵy qart mert boldy, dep habarlaidy "Ult aqparat" qalalyq Tótenshe jaǵdailar departamentine silteme jasap.
«1 qazan kúni saǵat 9:39-da «101» pýltine «Zarechnyi» turǵyn alaby Ushqyshtar kóshesi, 2-úidegi órt týraly habar kelip tústi. Oqiǵa ornyna qalalyq TJ departamentiniń órt sóndirýshileri jiberildi. Olar saǵat 9:48-de jetti. Biraq, kesh habarlaý saldarynan turǵyn úi tutas órtke oranǵan», - dep málim etti qalalyq TJ departamentiniń baspasóz qyzmetinen.
Jalynmen kúres barysynda Gaz-tútinnen qorǵaý qyzmeti úi ishin tekserip, 1939 jyly týǵan er adamdy tapty. Ol jedel járdem qyzmetkerlerine tapsyryldy. Zardap shegýshi meditsinalyq kólikte kóz jumdy.
Sonymen birge, turǵyn úiden 1992 jyly týǵan áiel men 2010 jyly týǵan qyz bala qutqaryldy. Olar №1 qalalyq aýrýhana men №2 qalalyq balalar aýrýhanasyna jatqyzyldy.
«Órtti sóndirýge 4 tehnika men 22 órt sóndirýshi jumyldyryldy. Aldyn ala boljam boiynsha, órt 150 sharshy metrdi sharpyǵan. Tilsiz jaý saǵat 10:21-de toqtatyldy jáne 10:47-de tolyq sóndirildi. Oqiǵa sebepteri anyqtalyp jatyr», - delingen habarlamada.
