نۇر-سۇلتاندا جەكە تۇرعىن ٷي ٶرتەنٸپ, 80 جاستاعى قارت مەرت بولدى, دەپ حابارلايدى "ۇلت اقپارات" قالالىق تٶتەنشە جاعدايلار دەپارتامەنتٸنە سٸلتەمە جاساپ.
«1 قازان كٷنٸ ساعات 9:39-دا «101» پۋلتٸنە «زارەچنىي» تۇرعىن الابى ۇشقىشتار كٶشەسٸ, 2-ٷيدەگٸ ٶرت تۋرالى حابار كەلٸپ تٷستٸ. وقيعا ورنىنا قالالىق تج دەپارتامەنتٸنٸڭ ٶرت سٶندٸرۋشٸلەرٸ جٸبەرٸلدٸ. ولار ساعات 9:48-دە جەتتٸ. بٸراق, كەش حابارلاۋ سالدارىنان تۇرعىن ٷي تۇتاس ٶرتكە ورانعان», - دەپ مەلٸم ەتتٸ قالالىق تج دەپارتامەنتٸنٸڭ باسپاسٶز قىزمەتٸنەن.
جالىنمەن كٷرەس بارىسىندا گاز-تٷتٸننەن قورعاۋ قىزمەتٸ ٷي ٸشٸن تەكسەرٸپ, 1939 جىلى تۋعان ەر ادامدى تاپتى. ول جەدەل جەردەم قىزمەتكەرلەرٸنە تاپسىرىلدى. زارداپ شەگۋشٸ مەديتسينالىق كٶلٸكتە كٶز جۇمدى.
سونىمەن بٸرگە, تۇرعىن ٷيدەن 1992 جىلى تۋعان ەيەل مەن 2010 جىلى تۋعان قىز بالا قۇتقارىلدى. ولار №1 قالالىق اۋرۋحانا مەن №2 قالالىق بالالار اۋرۋحاناسىنا جاتقىزىلدى.
«ٶرتتٸ سٶندٸرۋگە 4 تەحنيكا مەن 22 ٶرت سٶندٸرۋشٸ جۇمىلدىرىلدى. الدىن الا بولجام بويىنشا, ٶرت 150 شارشى مەتردٸ شارپىعان. تٸلسٸز جاۋ ساعات 10:21-دە توقتاتىلدى جەنە 10:47-دە تولىق سٶندٸرٸلدٸ. وقيعا سەبەپتەرٸ انىقتالىپ جاتىر», - دەلٸنگەن حابارلامادا.
