Foto:elements.envato.com
Nur-Sultan qalasynda 18 Uly Otan soǵysynyń ardageri turady. Jeńis kúnine orai olarǵa bir million teńgeden beriledi. Bul týraly elorda ákimdiginiń baspasóz qyzmeti habarlady, - dep habarlaidy Tengrinews.kz.
"Búginde elordada 18 ardager turady, olardyń eń úlkeni - 102 jasta, eń kishisi - 96 jasta. 9 mamyrda Jeńis kúnine orai olar 1 million teńge (1 013 060 teńge) mólsherinde birjolǵy tólem alady.
Jeńildikter boiynsha Ekinshi dúniejúzilik soǵystyń ardagerlerine teńestirilgender, ChAES qatysýshylary men múgedekterinen basqalary 111 300 teńgeden alady. Barlyǵy 410 adam, onyń ishinde - Ekinshi dúniejúzilik soǵys kezinde qyzmet etken áskeri qyzmetshiler, fashistik Germaniiaǵa qarsy urys qimyldaryna qatysqan adamdar, Leningradta blokada kezeńinde jumys istegen azamattar, kontslagerlerdiń kámeletke tolmaǵan tutqyndary, jaralanýy saldarynan múgedek bolǵan áskeri qyzmetshiler", - delingen habarlamada.
Basqa memleketter aýmaǵyndaǵy urys qimyldarynyń ardagerleri (Aýǵanstandaǵy urys qimyldarynyń ardagerlerinen basqa) - Tájik-Aýǵan ýchaskesinde mindetterdi oryndaǵan, Iraktaǵy halyqaralyq bitimgerlik operatsiiaǵa qatysqan, Taýly Qarabaqtaǵy etnosaralyq qaqtyǵysty retteýge qatysqan áskeri qyzmetshilerge - 63 600 teńge mólsherinde tólemder kózdelgen. Elordada osy tizimge jatatyn 810 adam bar.
