فوتو:elements.envato.com
نۇر-سۇلتان قالاسىندا 18 ۇلى وتان سوعىسىنىڭ ارداگەرٸ تۇرادى. جەڭٸس كٷنٸنە وراي ولارعا بٸر ميلليون تەڭگەدەن بەرٸلەدٸ. بۇل تۋرالى ەلوردا ەكٸمدٸگٸنٸڭ باسپاسٶز قىزمەتٸ حابارلادى, - دەپ حابارلايدى Tengrinews.kz.
"بٷگٸندە ەلوردادا 18 ارداگەر تۇرادى, ولاردىڭ ەڭ ٷلكەنٸ - 102 جاستا, ەڭ كٸشٸسٸ - 96 جاستا. 9 مامىردا جەڭٸس كٷنٸنە وراي ولار 1 ميلليون تەڭگە (1 013 060 تەڭگە) مٶلشەرٸندە بٸرجولعى تٶلەم الادى.
جەڭٸلدٸكتەر بويىنشا ەكٸنشٸ دٷنيەجٷزٸلٸك سوعىستىڭ ارداگەرلەرٸنە تەڭەستٸرٸلگەندەر, چاەس قاتىسۋشىلارى مەن مٷگەدەكتەرٸنەن باسقالارى 111 300 تەڭگەدەن الادى. بارلىعى 410 ادام, ونىڭ ٸشٸندە - ەكٸنشٸ دٷنيەجٷزٸلٸك سوعىس كەزٸندە قىزمەت ەتكەن ەسكەري قىزمەتشٸلەر, فاشيستٸك گەرمانيياعا قارسى ۇرىس قيمىلدارىنا قاتىسقان ادامدار, لەنينگرادتا بلوكادا كەزەڭٸندە جۇمىس ٸستەگەن ازاماتتار, كونتسلاگەرلەردٸڭ كەمەلەتكە تولماعان تۇتقىندارى, جارالانۋى سالدارىنان مٷگەدەك بولعان ەسكەري قىزمەتشٸلەر", - دەلٸنگەن حابارلامادا.
باسقا مەملەكەتتەر اۋماعىنداعى ۇرىس قيمىلدارىنىڭ ارداگەرلەرٸ (اۋعانستانداعى ۇرىس قيمىلدارىنىڭ ارداگەرلەرٸنەن باسقا) - تەجٸك-اۋعان ۋچاسكەسٸندە مٸندەتتەردٸ ورىنداعان, يراكتاعى حالىقارالىق بٸتٸمگەرلٸك وپەراتسيياعا قاتىسقان, تاۋلى قاراباقتاعى ەتنوسارالىق قاقتىعىستى رەتتەۋگە قاتىسقان ەسكەري قىزمەتشٸلەرگە - 63 600 تەڭگە مٶلشەرٸندە تٶلەمدەر كٶزدەلگەن. ەلوردادا وسى تٸزٸمگە جاتاتىن 810 ادام بار.
