Nur-Sultanda "Ulttyq saraptama ortalyǵynyń" qyzmetkerine sybailas jemqorlyq quqyq buzýshylyq deregi boiynsha úkim jariia etildi, - dep habarlaidy Tengrinews.kz.
Biylǵy jyldyń 30 naýryzynda Nur-Sultan qalasy Almaty aýdanynyń №2 aýdandyq sotymen Densaýlyq saqtaý ministrligi Sanitarlyq-epidemiologiialyq baqylaý komitetiniń Nur-Sultan qalasy "Ulttyq saraptama ortalyǵy" ShJQ RMK filialynyń qyzmetkerine qatysty 8 jylǵa bas bostandyǵynan aiyrý jazasy taǵaiyndalǵany jaiynda úkim jariialandy.
Ol Nur-Sultan qalasynyń kásipkerlik sýbektilerinen qoǵamdyq tamaqtaný salasynda aqsha qarajatyn alý faktisi boiynsha, pandemiia kezeńinde ákimshilik jaýapkershilikten jaltarǵany úshin kináli dep tanyldy.
Úkimdi jariialaý sottalýshy ujymynyń, sondai-aq Densaýlyq saqtaý ministrligi Sanitarlyq-epidemiologiialyq baqylaý komiteti qyzmetkerleriniń qatysýymen beinekonferents bailanys arqyly ótti.
2021 jyldan bastap aldyn alý sharasy retinde qyzmetkerleri sybailas jemqorlyq quqyq buzýshylyqtaryn jasady dep aiyptalǵan memlekettik qyzmetkerler ujymdarynyń sot otyrystaryna qatysý praktikasy engizildi.
