نۇر-سۇلتاندا "ۇلتتىق ساراپتاما ورتالىعىنىڭ" قىزمەتكەرٸنە سىبايلاس جەمقورلىق قۇقىق بۇزۋشىلىق دەرەگٸ بويىنشا ٷكٸم جارييا ەتٸلدٸ, - دەپ حابارلايدى Tengrinews.kz.
بيىلعى جىلدىڭ 30 ناۋرىزىندا نۇر-سۇلتان قالاسى الماتى اۋدانىنىڭ №2 اۋداندىق سوتىمەن دەنساۋلىق ساقتاۋ مينيسترلٸگٸ سانيتارلىق-ەپيدەميولوگييالىق باقىلاۋ كوميتەتٸنٸڭ نۇر-سۇلتان قالاسى "ۇلتتىق ساراپتاما ورتالىعى" شجق رمك فيليالىنىڭ قىزمەتكەرٸنە قاتىستى 8 جىلعا باس بوستاندىعىنان ايىرۋ جازاسى تاعايىندالعانى جايىندا ٷكٸم جارييالاندى.
ول نۇر-سۇلتان قالاسىنىڭ كەسٸپكەرلٸك سۋبەكتٸلەرٸنەن قوعامدىق تاماقتانۋ سالاسىندا اقشا قاراجاتىن الۋ فاكتٸسٸ بويىنشا, پاندەمييا كەزەڭٸندە ەكٸمشٸلٸك جاۋاپكەرشٸلٸكتەن جالتارعانى ٷشٸن كٸنەلٸ دەپ تانىلدى.
ٷكٸمدٸ جارييالاۋ سوتتالۋشى ۇجىمىنىڭ, سونداي-اق دەنساۋلىق ساقتاۋ مينيسترلٸگٸ سانيتارلىق-ەپيدەميولوگييالىق باقىلاۋ كوميتەتٸ قىزمەتكەرلەرٸنٸڭ قاتىسۋىمەن بەينەكونفەرەنتس بايلانىس ارقىلى ٶتتٸ.
2021 جىلدان باستاپ الدىن الۋ شاراسى رەتٸندە قىزمەتكەرلەرٸ سىبايلاس جەمقورلىق قۇقىق بۇزۋشىلىقتارىن جاسادى دەپ ايىپتالعان مەملەكەتتٸك قىزمەتكەرلەر ۇجىمدارىنىڭ سوت وتىرىستارىنا قاتىسۋ پراكتيكاسى ەنگٸزٸلدٸ.
