Mysyrdan kelgen jolaýshy infektsiianyń simptomsyz tasymaldaýshysy bolyp shyqty, dep habarlaidy elorda ákimdiginiń baspasóz qyzmeti.
19 qazan kúni tańerteń áiel Sharm-el-Sheihten PTR testinen ótpei ushyp kelgen. Áýejaida birden qalanyń karantindik statsionaryna jetkizildi, onda oǵan qajetti zerthanalyq taldaýlar jasaldy. Taldaý nátijeleri boiynsha patsientte COVID-19 anyqtaldy.
Ádette, koronavirýs infektsiiasynyń barlyq simptomsyz tasymaldaýshylaryn úide meditsina mamandary baqylaidy.
Alaida, naýqas oblys turǵyny bolyp tabylǵandyqtan jáne ony jedel úi karantinine oqshaýlaý múmkin emestigi eskerilip, ol elordadaǵy infektsiialyq statsionarǵa jatqyzyldy.
«Naýqas aýrýhanada tolyq tekserýden ótip, 5 kúnge deiin bolady. Eger klinikalyq kórinister paida bola bastasa, onda oǵan hattamaǵa sáikes tiisti emdeý taǵaiyndalady», - deidi aýrýhananyń juqpaly aýrýlar dárigeri.
Búgingi kúni qalalyq juqpaly aýrýlar statsionarynda KVI juqtyrǵan 29 patsient bar.
Esterińizge sala keteiik, buǵan deiin karantindik statsionarda PTR testinen ótpegen 2 aviajolaýshydan simptomsyz virýs anyqtalǵan. Elordalyq dárigerlerdiń jedel áreketteri arqasynda halyq arasynda indet meilinshe az taraýda.
Biyl 19 qazanda 7 halyqaralyq reis qabyldandy (BAÁ-den 2, Túrkiiadan 2, Belorýssiiadan 1, Germaniiadan 1, Egipetten 1). Kelgen 769 jolaýshydan COVID-19 testinen ótkendigi týraly anyqtama 171 QR azamatynda bolǵan joq. Olardyń barlyǵy karantindik statsionarǵa jetkizildi.
