Nur-Sultan qalasynyń turǵynyna "Nomad" turǵyn úi kesheniniń shatyrynyń shyny kúmbezi qulady, dep habarlaidy Sputnik Qazaqstan agenttigi.
Elordalyq densaýlyq saqtaý basqarmasy áieldiń kóptegen jaraqatpen aýrýhanaǵa jetkizilgenin habarlady.
"Mi jaraqatyn alǵan áiel №2 kópbeiindi qalalyq aýrýhanaǵa jetkizildi. Qabyldaý kezinde onyń jaǵdaiy aýyr boldy. Jedel túrde ota jasaldy. Qazirgi ýaqytta jansaqtaý bóliminde jatyr", – dep habarlady basqarmanyń baspasóz qyzmeti.
Tótenshe jaǵdailar departamentiniń baspasóz qyzmeti bul oqiǵa týraly habar túspegenin aitty. Búgin Nur-Sultanda qatty jel boldy. Turǵyndar shatyrdaǵy kúmbez merekeler men is-sharalar kezinde jalǵa beriletinin jetkizdi.
Politsiia departamenti atalǵan fakti boiynsha sotqa deiingi tergeý bastalǵanyn habarlady.
"Qatty jel saldarynan metall kúmbez qulap, 56 jastaǵy áiel jaraqat alǵany anyqtaldy. Atalǵan fakti boiynsha "Esil" aýdandyq politsiia basqarmasy qylmystyq kodekstiń 306-baby boiynsha sotqa deiingi tergeýdi bastady. Qajetti saraptamalar taǵaiyndaldy", - delingen politsiia departamentiniń habarlamasynda.
Metall qurylymdary Syǵanaq kóshesindegi biznes-ortalyq shatyrynan qulady.
Biyl aqpan aiynda "Nomad" turǵyn úi kesheni qaptaýynyń bóligi qulap, aýlada turǵan kólikke zaqym kelgen bolatyn.
