نۇر-سۇلتان قالاسىنىڭ تۇرعىنىنا "نوماد" تۇرعىن ٷي كەشەنٸنٸڭ شاتىرىنىڭ شىنى كٷمبەزٸ قۇلادى, دەپ حابارلايدى Sputnik قازاقستان اگەنتتٸگٸ.
ەلوردالىق دەنساۋلىق ساقتاۋ باسقارماسى ەيەلدٸڭ كٶپتەگەن جاراقاتپەن اۋرۋحاناعا جەتكٸزٸلگەنٸن حابارلادى.
"مي جاراقاتىن العان ەيەل №2 كٶپبەيٸندٸ قالالىق اۋرۋحاناعا جەتكٸزٸلدٸ. قابىلداۋ كەزٸندە ونىڭ جاعدايى اۋىر بولدى. جەدەل تٷردە وتا جاسالدى. قازٸرگٸ ۋاقىتتا جانساقتاۋ بٶلٸمٸندە جاتىر", – دەپ حابارلادى باسقارمانىڭ باسپاسٶز قىزمەتٸ.
تٶتەنشە جاعدايلار دەپارتامەنتٸنٸڭ باسپاسٶز قىزمەتٸ بۇل وقيعا تۋرالى حابار تٷسپەگەنٸن ايتتى. بٷگٸن نۇر-سۇلتاندا قاتتى جەل بولدى. تۇرعىندار شاتىرداعى كٷمبەز مەرەكەلەر مەن ٸس-شارالار كەزٸندە جالعا بەرٸلەتٸنٸن جەتكٸزدٸ.
پوليتسييا دەپارتامەنتٸ اتالعان فاكتٸ بويىنشا سوتقا دەيٸنگٸ تەرگەۋ باستالعانىن حابارلادى.
"قاتتى جەل سالدارىنان مەتالل كٷمبەز قۇلاپ, 56 جاستاعى ەيەل جاراقات العانى انىقتالدى. اتالعان فاكتٸ بويىنشا "ەسٸل" اۋداندىق پوليتسييا باسقارماسى قىلمىستىق كودەكستٸڭ 306-بابى بويىنشا سوتقا دەيٸنگٸ تەرگەۋدٸ باستادى. قاجەتتٸ ساراپتامالار تاعايىندالدى", - دەلٸنگەن پوليتسييا دەپارتامەنتٸنٸڭ حابارلاماسىندا.
مەتالل قۇرىلىمدارى سىعاناق كٶشەسٸندەگٸ بيزنەس-ورتالىق شاتىرىنان قۇلادى.
بيىل اقپان ايىندا "نوماد" تۇرعىن ٷي كەشەنٸ قاپتاۋىنىڭ بٶلٸگٸ قۇلاپ, اۋلادا تۇرعان كٶلٸككە زاقىم كەلگەن بولاتىن.
