Memleket basshysy Qazaqstan Respýblikasynyń Tuńǵysh Prezidenti – Elbasy Nursultan Nazarbaevtyń qurmetine ornatylǵan eskertkishtiń ashylý rásimine qatysty, dep habarlaidy "Ult aqparat" Aqordaǵa silteme jasap.
Eskertkish elordada Álihan Bókeihan men Kerei, Jánibek handar kósheleriniń qiylysyndaǵy jýyrda ashylǵan saiabaqtyń aýmaǵynda ornalasqan.
Eskertkishti ashqan Prezident jiynǵa qatysýshylardyń aldynda sóz sóiledi.
Qasym-Jomart Toqaev jyl saiyn Elorda kúni qarsańynda qalanyń rýhani kelbetin kórkeite túsetin jańa keshender ashylatynyn atap ótip, byltyr osy igi dástúrmen Elbasy kitaphanasy mýzeiiniń boi kótergenin jáne onyń aldynan ashylǵan saiabaq qala turǵyndary úshin jaily demalys ornyna ainalǵanyn aitty.
– Sondyqtan búgin biz Elbasy Nursultan Ábishuly Nazarbaevtyń qurmetine ornatylǵan tarihi eskertkishti dál osy jerde ashyp otyrmyz. Mereili jylda mundai sáýlet týyndysynyń boi kóterýi – zańdy qubylys, – dedi Prezident.
Qasym-Jomart Toqaev memlekettiliktiń negizin qalyptastyrýǵa, elimizdiń shekara shebin aiqyndaýǵa, halyqaralyq kelisimdermen birjola shegendeýge, jahandyq daǵdarysty eńserýge, halyqaralyq bedelin nyǵaitýǵa Nursultan Nazarbaevtyń zor úles qosqanyn atap ótti.
– Elbasy kóptegen halyqaralyq bastama kóterip, memleketimizdi jahandyq saiasattyń tórine shyǵardy. Ony búkil álem uly saiasatker, tarihi tulǵa retinde biledi. Qasietti Otanymyz – Qazaqstannyń búgingi jáne erteńgi urpaǵy osyndai ult perzentine qarap, boi túzeidi, – dedi Prezident.
Memleket basshysy Táýelsizdiktiń alǵashqy jyldaryndaǵy asa qaýipti syn-qaterler men jappai qiraǵan qiyn-qystaý kezeńde Elbasy halyqtyń ózine degen senimin uialatyp, erteńgi kúnge degen úmit otyn jaǵa bilgenin atap ótti.
– Halyqty aýqymdy ózgeristerge talmai jetelegen Tuńǵysh Prezident asa jaýapty ózgeristerdiń, aýqymdy reformalardyń naqty iske asyrýshysyna jáne Táýelsizdigimizdiń simvolyna ainaldy, – dedi Memleket basshysy.
Budan bólek Qasym-Jomart Toqaev memleketimizdiń saiasi jáne ekonomikalyq jetistikteriniń negizinde Elbasynyń biregei bastamalary jatqanyna nazar aýdardy.
– Elbasynyń strategiialyq baǵyty – elimizdi odan ári jańǵyrtýǵa negizdelgen saiasatymyzdyń berik negizi. Qubylmaly álemde reformalardy tabysty júzege asyrý úshin bizge aiqyn ideologiialyq baǵdar, ornyqty ári qundy negiz qajet, – dedi Prezident.
Osy rette Qasym-Jomart Toqaev ult múddesine qyzmet etken kórnekti qairatkerlerge eskertkish qoiý – tarihi tulǵalarymyzǵa shynaiy qurmet kórsetý degen pikir bildirdi.
Osyǵan bailanysty Prezident jaqyn kúnderi Alashtyń úsh arysy – Álihan Bókeihanǵa, Ahmet Baitursynulyna, Mirjaqyp Dýlatulyna, ǵulama ǵalym Qanysh Sátbaevqa jáne basqa da kórnekti tulǵalarǵa arnalǵan eskertkishter ashylatynyn aitty.
Jiyn sońynda Memleket basshysy Qazaqstan halqyn kele jatqan Elorda kúnimen quttyqtady.
