Elordada kolledjderdiń myńnan asa stýdenti oqý aqysyn osy jyldyń tamyz aiynda tóleý múmkindigin aldy, dep habarlaidy QazAqparat.
Nur-Sultan qalalyq bilim basqarmasynyń basshysy Sholpan Qadyrova málim etkendei, qazirgi ýaqytta kolledjder Platonus, Google Classroom, Edupage platformalary boiynsha jumys júrgizip jatyr. Oqý protsesi belgilengen oqý júktemesine, oqý jumys josparyna, oqý baǵdarlamalaryna, sabaq kestesine sáikes júzege asyrylady.
«Bilim alýshylarǵa memlekettik stipendiia ai saiyn tólenýde jáne tólem kartochkalaryna tamaqtaný úshin aqsha aýdarylýda. Kolledjderdiń 22661 stýdenttiń basqa qalada turatyn 9172-i (40,5 paiyzy) turǵylyqty jerine jiberildi. Búgingi tańda kolledjderdiń jataqhanasynda jetim jáne ata-anasynyń qaraýynsyz qalǵan 50 stýdent qalyp, oqýlaryn jalǵastyrýda. Basqarma tarapynan ol balalarǵa áleýmettik kómek kórsetilip jatyr», - dedi Sholpan Qadyrova búgin ótken baspasóz máslihatynda.
Basqarma basshysynyń aitýynsha oqý quny mamandyq túrine bailanysty jylyna 320 myń teńgege deiingi qarajatty quraidy.
«Oqý aqysyn tólei almaityn stýdentterdiń jalpy sany 1015 adamdy qurady. Búgingi tańda kolledj ákimshiligine ótinish bildirgen barlyq stýdentke oqý aqysyn tóleý merzimi aǵymdaǵy jyldyń tamyz aiyna deiin uzartyldy», - dedi ol.
