Nur-Sultan qalasyndaǵy zańsyz miting kezinde bir azamattyń qaza tapqany týraly aqparat jalǵan. Bul týraly QR IIM baspasóz qyzmeti málim etti.
"Nur-Sultan qalasyndaǵy zańsyz miting barysynda egde jastaǵy qatysýshy esten tanyp qulady. Oqiǵa ornynda qoǵamdyq tártipti qamtamasyz etip júrgen politsiia qyzmetkerleri jedel meditsinalyq kómek dárigerlerin shaqyryp, olar kelgenshe alǵashqy meditsinalyq kómek kórsetti. Nátijesinde azamattyń jaǵdaiy jaqsaryp, dárigerlerdiń demeýimen oqiǵa ornynan ózi ketip qaldy", - dep atap ótti ministrlikten.
Osy oraida vedomstvodan jelide taraǵan qoǵamdyq tártipti buzýshylardy politsiianyń ustaýy kezinde bir adamnyń qaza tapqany týraly aqparat shyndyqqa janaspaityndyǵyn atap ótedi.
"Qyzmetkerler azamattarǵa qarsy arnaiy quraldar qoldanǵan joq. Nur-Sultan qalalyq politsiia departamenti qasaqana jalǵan aqparat taratý QR Qylmystyq kodeksiniń 274-babyna sáikes qylmystyq jaýapkershilikke túrtki bolatynyn eskertedi. Atalǵan faktige orai kináli tulǵalardy anyqtaý jáne olardy jaýapqa tartý sharalary qabyldanyp jatyr", - dedi ministrlikten.
