نۇر-سۇلتان قالاسىنداعى زاڭسىز ميتينگ كەزٸندە بٸر ازاماتتىڭ قازا تاپقانى تۋرالى اقپارات جالعان. بۇل تۋرالى قر ٸٸم باسپاسٶز قىزمەتٸ مەلٸم ەتتٸ.
"نۇر-سۇلتان قالاسىنداعى زاڭسىز ميتينگ بارىسىندا ەگدە جاستاعى قاتىسۋشى ەستەن تانىپ قۇلادى. وقيعا ورنىندا قوعامدىق تەرتٸپتٸ قامتاماسىز ەتٸپ جٷرگەن پوليتسييا قىزمەتكەرلەرٸ جەدەل مەديتسينالىق كٶمەك دەرٸگەرلەرٸن شاقىرىپ, ولار كەلگەنشە العاشقى مەديتسينالىق كٶمەك كٶرسەتتٸ. نەتيجەسٸندە ازاماتتىڭ جاعدايى جاقسارىپ, دەرٸگەرلەردٸڭ دەمەۋٸمەن وقيعا ورنىنان ٶزٸ كەتٸپ قالدى", - دەپ اتاپ ٶتتٸ مينيسترلٸكتەن.
وسى ورايدا ۆەدومستۆودان جەلٸدە تاراعان قوعامدىق تەرتٸپتٸ بۇزۋشىلاردى پوليتسييانىڭ ۇستاۋى كەزٸندە بٸر ادامنىڭ قازا تاپقانى تۋرالى اقپارات شىندىققا جاناسپايتىندىعىن اتاپ ٶتەدٸ.
"قىزمەتكەرلەر ازاماتتارعا قارسى ارنايى قۇرالدار قولدانعان جوق. نۇر-سۇلتان قالالىق پوليتسييا دەپارتامەنتٸ قاساقانا جالعان اقپارات تاراتۋ قر قىلمىستىق كودەكسٸنٸڭ 274-بابىنا سەيكەس قىلمىستىق جاۋاپكەرشٸلٸككە تٷرتكٸ بولاتىنىن ەسكەرتەدٸ. اتالعان فاكتٸگە وراي كٸنەلٸ تۇلعالاردى انىقتاۋ جەنە ولاردى جاۋاپقا تارتۋ شارالارى قابىلدانىپ جاتىر", - دەدٸ مينيسترلٸكتەن.
