Nur-Sultanda quqyq qorǵaý organdarynyń qyzmetkerleri júkti áielden qymbat smartfon urlady degen kúdikpen 17 jasar mektep oqýshysyn ustady, dep habarlaidy elordalyq politsiia departamentiniń baspasóz qyzmeti.
Politseilerdiń aitýynsha, oqiǵa Botanikalyq baq aýmaǵynda bolǵan. Jasóspirim júkti áielden telefon suraǵanynda, ol anasyna qońyraý soǵady dep oilaǵan. Oqýshyǵa kómektesý nietimen áiel iPhone 11 telefonyn usynǵanda, bozbala smartfondy alyp qasha jónelgen.
"Politseiler baqylaý kameralarynyń jazbasynan shaǵymdanýshy aitqan belgilerge uqsas jas jigitti baiqady. Oqiǵa ornyna kelgende ony birden ustady. Alaida, jasóspirim telefonnan qutylý maqsatynda ony jol jiegine laqtyryp jibergen sáti de kameraǵa anyq túsip qalǵan", – deidi politsiia departamentiniń qyzmetkerleri.
Teksere kele, ustalǵan jasóspirim iývenaldy politsiia bóliminde esepte turatyny anyqtaldy. Ol birneshe ret úiinen qashyp ketip, osy kezge deiin de bótenniń múlkin urlaýmen ainalysqan.
Qazirgi kezde quqyq qorǵaý organdary Qylmystyq kodekstiń 190-baby (alaiaqtyq) boiynsha tergeý júrgizýde.
