نۇر-سۇلتاندا قۇقىق قورعاۋ ورگاندارىنىڭ قىزمەتكەرلەرٸ جٷكتٸ ەيەلدەن قىمبات سمارتفون ۇرلادى دەگەن كٷدٸكپەن 17 جاسار مەكتەپ وقۋشىسىن ۇستادى, دەپ حابارلايدى ەلوردالىق پوليتسييا دەپارتامەنتٸنٸڭ باسپاسٶز قىزمەتٸ.
پوليتسەيلەردٸڭ ايتۋىنشا, وقيعا بوتانيكالىق باق اۋماعىندا بولعان. جاسٶسپٸرٸم جٷكتٸ ەيەلدەن تەلەفون سۇراعانىندا, ول اناسىنا قوڭىراۋ سوعادى دەپ ويلاعان. وقۋشىعا كٶمەكتەسۋ نيەتٸمەن ەيەل iPhone 11 تەلەفونىن ۇسىنعاندا, بوزبالا سمارتفوندى الىپ قاشا جٶنەلگەن.
"پوليتسەيلەر باقىلاۋ كامەرالارىنىڭ جازباسىنان شاعىمدانۋشى ايتقان بەلگٸلەرگە ۇقساس جاس جٸگٸتتٸ بايقادى. وقيعا ورنىنا كەلگەندە ونى بٸردەن ۇستادى. الايدا, جاسٶسپٸرٸم تەلەفوننان قۇتىلۋ ماقساتىندا ونى جول جيەگٸنە لاقتىرىپ جٸبەرگەن سەتٸ دە كامەراعا انىق تٷسٸپ قالعان", – دەيدٸ پوليتسييا دەپارتامەنتٸنٸڭ قىزمەتكەرلەرٸ.
تەكسەرە كەلە, ۇستالعان جاسٶسپٸرٸم يۋۆەنالدى پوليتسييا بٶلٸمٸندە ەسەپتە تۇراتىنى انىقتالدى. ول بٸرنەشە رەت ٷيٸنەن قاشىپ كەتٸپ, وسى كەزگە دەيٸن دە بٶتەننٸڭ مٷلكٸن ۇرلاۋمەن اينالىسقان.
قازٸرگٸ كەزدە قۇقىق قورعاۋ ورگاندارى قىلمىستىق كودەكستٸڭ 190-بابى (الاياقتىق) بويىنشا تەرگەۋ جٷرگٸزۋدە.
