40-55 jas aralyǵyndaǵy bes kúdikti quny 20 mln teńge bolatyn 2019 jyly shyqqan «SHACMAN» markaly júk kóligin aidap áketti, dep habarlaidy "Ult aqparat" Nur-Sultan qalasy politsiia departamentiniń baspasóz qyzmetine silteme jasap.
«102» pýltine JShS direktory júgingen. Ol qurylys nysany aýmaǵynan túngi ýaqytta júkti ózi túsiretin júk kóligi joǵalyp ketkenin habarlaǵan.
48 jastaǵy kúdikti buryn atalǵan JShS-da jumys istep, óziniń júk kólikterin paidalanýǵa berip júrip, «SHACMAN» markaly júk kóligin aidap áketýdi oilastyrǵany anyqtaldy.
Qylmystyq nietin júzege asyrý úshin ol dostaryn urlyqqa tartqan. Túngi ýaqytta qurylys nysanynyń aýmaǵyna kirgen olar júk kóligin urlap ketken.
Júk kóligimen izin jasyryp, urlyq jasaýshylar oǵan uqsas basqa júk kóliginen nómir alyp, urlanǵan kólik nómirin ózgertken.
Politsiia qyzmetkerleri dereý qala mańyndaǵy barlyq aýyldy aralap, iri kólik turaqtaryn teksergen, biraq odan nátije bolmaǵan.
«Odan ári izdestirý sharalaryn júrgizý barysynda politseiler tynymsyz jumystyń nátijesinde qylmyskerlerdiń izine túsken. Qaskúnemder olardan seziktenip, Monastyrka aýylyna júk kóligin aidap áketkeni anyqtaldy. Onda olar bir apta boiy kólikti angarda ustaǵan. Keiinnen kólik quraly Arqalyq qalasyna jetkizilgen, onda júk kóligi bólshektelip, ishinara qosalqy bólshekteri satylǵan», - deidi Nur-Sultan qalasy PD kriminaldyq politsiia basqarmasynyń basshysy Dmitrii Demidov.
Avtokólik bólshekteriniń jartysyn politsiia qyzmetkerleri Arqalyq qalasynyń turǵynynan alǵan. Ol kúdiktilerdiń ótinishi boiynsha kólikti iri aqshalai syiaqy úshin bólshektegen.
Qazirgi ýaqytta «SHACMAN» markaly júk kóligin urlaǵan kúdiktilerdiń barlyǵy ustaldy. Atalǵan fakti boiynsha qylmystyq is qozǵaldy.
