40-55 جاس ارالىعىنداعى بەس كٷدٸكتٸ قۇنى 20 ملن تەڭگە بولاتىن 2019 جىلى شىققان «SHACMAN» ماركالى جٷك كٶلٸگٸن ايداپ ەكەتتٸ, دەپ حابارلايدى "ۇلت اقپارات" نۇر-سۇلتان قالاسى پوليتسييا دەپارتامەنتٸنٸڭ باسپاسٶز قىزمەتٸنە سٸلتەمە جاساپ.
«102» پۋلتٸنە جشس ديرەكتورى جٷگٸنگەن. ول قۇرىلىس نىسانى اۋماعىنان تٷنگٸ ۋاقىتتا جٷكتٸ ٶزٸ تٷسٸرەتٸن جٷك كٶلٸگٸ جوعالىپ كەتكەنٸن حابارلاعان.
48 جاستاعى كٷدٸكتٸ بۇرىن اتالعان جشس-دا جۇمىس ٸستەپ, ٶزٸنٸڭ جٷك كٶلٸكتەرٸن پايدالانۋعا بەرٸپ جٷرٸپ, «SHACMAN» ماركالى جٷك كٶلٸگٸن ايداپ ەكەتۋدٸ ويلاستىرعانى انىقتالدى.
قىلمىستىق نيەتٸن جٷزەگە اسىرۋ ٷشٸن ول دوستارىن ۇرلىققا تارتقان. تٷنگٸ ۋاقىتتا قۇرىلىس نىسانىنىڭ اۋماعىنا كٸرگەن ولار جٷك كٶلٸگٸن ۇرلاپ كەتكەن.
جٷك كٶلٸگٸمەن ٸزٸن جاسىرىپ, ۇرلىق جاساۋشىلار وعان ۇقساس باسقا جٷك كٶلٸگٸنەن نٶمٸر الىپ, ۇرلانعان كٶلٸك نٶمٸرٸن ٶزگەرتكەن.
پوليتسييا قىزمەتكەرلەرٸ دەرەۋ قالا ماڭىنداعى بارلىق اۋىلدى ارالاپ, ٸرٸ كٶلٸك تۇراقتارىن تەكسەرگەن, بٸراق ودان نەتيجە بولماعان.
«ودان ەرٸ ٸزدەستٸرۋ شارالارىن جٷرگٸزۋ بارىسىندا پوليتسەيلەر تىنىمسىز جۇمىستىڭ نەتيجەسٸندە قىلمىسكەرلەردٸڭ ٸزٸنە تٷسكەن. قاسكٷنەمدەر ولاردان سەزٸكتەنٸپ, موناستىركا اۋىلىنا جٷك كٶلٸگٸن ايداپ ەكەتكەنٸ انىقتالدى. وندا ولار بٸر اپتا بويى كٶلٸكتٸ انگاردا ۇستاعان. كەيٸننەن كٶلٸك قۇرالى ارقالىق قالاسىنا جەتكٸزٸلگەن, وندا جٷك كٶلٸگٸ بٶلشەكتەلٸپ, ٸشٸنارا قوسالقى بٶلشەكتەرٸ ساتىلعان», - دەيدٸ نۇر-سۇلتان قالاسى پد كريمينالدىق پوليتسييا باسقارماسىنىڭ باسشىسى دميتريي دەميدوۆ.
اۆتوكٶلٸك بٶلشەكتەرٸنٸڭ جارتىسىن پوليتسييا قىزمەتكەرلەرٸ ارقالىق قالاسىنىڭ تۇرعىنىنان العان. ول كٷدٸكتٸلەردٸڭ ٶتٸنٸشٸ بويىنشا كٶلٸكتٸ ٸرٸ اقشالاي سىياقى ٷشٸن بٶلشەكتەگەن.
قازٸرگٸ ۋاقىتتا «SHACMAN» ماركالى جٷك كٶلٸگٸن ۇرلاعان كٷدٸكتٸلەردٸڭ بارلىعى ۇستالدى. اتالعان فاكتٸ بويىنشا قىلمىستىق ٸس قوزعالدى.
