Nur-Sultanda biyl qurylys qaldyqtaryn ortalyqtandyrylǵan jinaý jáne qaita óńdeý úshin poligon qurylysy bastalady. Bul týraly elorda ákiminiń orynbasary Altynbek Qaisaǵaliev aitty, dep habarlaidy "Ult aqparat".
«Qala shetinde qoqys úshin ruqsat etilmegen oryndar baiqalýda. Qurylys kompaniialary sol jerge zańsyz qoqys tógýde. Oǵan qosa qystan soń qarmen birge qurylys qoqystary shyǵarylǵany anyqtalýda. Qazir qoqys shyǵarýdamyz. Kásiporyndardan basqa, páterlerge jóndeý júrgizgen qala turǵyndarynyń ózderi qoqys shyǵardy. Ruqsat etilmegen jerler ekologiialyq jaǵdaidy nasharlatady. Ekologiialyq politsiia osyndai zańsyz áreketter úshin tártip buzýshylarǵa aiyppul salady. Tazalyq mádenietin qalyptastyrý qajet», – dedi qala ákiminiń orynbasary Altynbek Qaisaǵaliev.
Qala ákiminiń orynbasary elordada qurylys qaldyqtaryna arnalǵan poligon salý qajetin atap ótti. Ákimdik poligon jobasyn ázirledi. Qazir orny anyqtalýda.
Buǵan deiin elorda ákimi Altai Kólginov ekologiialyq politsiia men aýdan ákimderine eskertý jasap, zańsyz qoqys shyǵarýǵa jol bermeýdi jáne qurylys qaldyqtaryn shyǵarý ornyn anyqtaýdy tapsyrdy.
