Biyl Qazaqstanda «Qurban ait» 9-11 shilde kúnderi ótedi. Qasietti merekeniń alǵashqy kúni tańerteńnen bastap elorda meshitterinde «Ait namazy» oqylady. Bul týraly qalalyq din isteri basqarmasynyń basshysy Nurdáýlet Álmuhanov onlain brifingte málim etti, dep habarlaidy Nur-Sultan ákimdiginiń resmi saity.
Nur-Sultanda bekitilgen mal soiý oryndarynda qurbandyq shalý saǵat 8.00-den 18.00-ge deiin ótedi. Sondai-aq bul rásimdi «QURBAN2022.kz» Qazaqstan musylmandary dini basqarmasynyń saity arqyly da onlain jasaýǵa bolady.
Mal soiý úshin myna oryndar belgilendi:
Baiqońyr aýdany boiynsha:
1. «Jailaý» bazary, Alash tas joly, S 313 kóshesi («Sharyn» bazarynyń art jaǵy);
2. «Shanhai» bazary, Alash tasjoly, 34/6 («Kók bazar» bazarynyń art jaǵy);
3. «Shopan ata» bazary, («Rýbikom» jáne Ámir bazarynyń ortasy);
4. «Barakat» bazary, A 369 kóshesi, №10 ǵimarat.
5. «Sháýshen» sharýa qojalyǵy, Alash tasjoly, 136 B;
6. «Temesh» sharýa qojalyǵy, Ainalma jol, 229, 1a.
Saryarqa aýdany boiynsha:
1. «Uljan» ámbebap bazary, N. Tilendiev kóshesi, 24 (burynǵy «Saianur» bazary).
Qurbandyqqa soiylǵan maldyń eti túgeldei áleýmettik kómekke muqtaj otbasylarǵa úlestiriledi.
«Qurban ait» merekesi kúnderi halyqqa qurbandyq shalý jáne taǵy basqa da dini máseleler boiynsha aqparat alý úshin táýlik boiy «109» Call-center jumys isteidi.
