Nur-Sultan qalalyq qoǵamdyq densaýlyq saqtaý basqarmasynyń basshysy Sáýle Qisyqova elordada koronavirýs jaǵdaiynyń statistikalyq derekterin jariialady, dep habarlaidy "Ult aqparat".
«2020 jyly 22 qańtardan bastap, Nur-Sultanda infektsiialyq statsionarlar men provizorlyq statsionarlar ashyldy. 28 qańtardan bastap onda 1942 patsient jatty. Onyń ishinde 109 adam nemese 6% - 18 jasqa tolmaǵan. 22 naýryz saǵat 10.00-degi jaǵdai boiynsha 1234 adam koronavirýs kúdigimen statsionarda jatyr. Onyń 61-i - balalar», - dedi basqarma basshysy «Habar 24» telearnasynda ótken brifingte.
Qazirgi ýaqytta Nur-Sultanda koronavirýs infektsiiasynyń 31 jaǵdaiy tirkeldi. 30 naýqas - Qazaqstan azamattary bolsa, 1-eýi — sheteldik.
«Olardyń 32% nemese 10 naýqas - er adam, 68% nemese 21 naýqas - áielder. Jas qurylymy boiynsha, 21 oqiǵa nemese naýqastardyń 68% - 30-49 jas aralyǵynda. 18 jasqa tolmaǵan 2 bala bar jáne 18-29 jas aralyǵyndaǵy 3 naýqas bar. 50-59 jas aralyǵynda - 4 adam jáne 60 jastan asqan 1 naýqas tirkelgen.
Naýqastardyń 26% nemese 8 oqiǵa 1A sanatyndaǵy elderden kelgen reisten túsirilgen jolaýshylar.
Aita keteiik, Qazaqstan Respýblikasy aýmaǵynda koronavirýs infektsiiasyn juqtyrǵan jalpy 56 naýqas tirkeldi. Nursultan qalasynda 31 adamda koronovirýs infektsiiasy anyqtaldy. Almaty qalasynda - 22 adam, Qaraǵandy qalasynda - 2, Almaty oblysynda 1 adam.
Buǵan deiin basqarma basshysy elordada Nursultan Nazarbaev atyndaǵy áýejaiǵa kelgen 600-ge jýyq jolaýshynyń tekserilip jatqanyn habarlady.
