نۇر-سۇلتان قالالىق قوعامدىق دەنساۋلىق ساقتاۋ باسقارماسىنىڭ باسشىسى سەۋلە قيسىقوۆا ەلوردادا كوروناۆيرۋس جاعدايىنىڭ ستاتيستيكالىق دەرەكتەرٸن جارييالادى, دەپ حابارلايدى "ۇلت اقپارات".
«2020 جىلى 22 قاڭتاردان باستاپ, نۇر-سۇلتاندا ينفەكتسييالىق ستاتسيونارلار مەن پروۆيزورلىق ستاتسيونارلار اشىلدى. 28 قاڭتاردان باستاپ وندا 1942 پاتسيەنت جاتتى. ونىڭ ٸشٸندە 109 ادام نەمەسە 6% - 18 جاسقا تولماعان. 22 ناۋرىز ساعات 10.00-دەگٸ جاعداي بويىنشا 1234 ادام كوروناۆيرۋس كٷدٸگٸمەن ستاتسيوناردا جاتىر. ونىڭ 61-ٸ - بالالار», - دەدٸ باسقارما باسشىسى «حابار 24» تەلەارناسىندا ٶتكەن بريفينگتە.
قازٸرگٸ ۋاقىتتا نۇر-سۇلتاندا كوروناۆيرۋس ينفەكتسيياسىنىڭ 31 جاعدايى تٸركەلدٸ. 30 ناۋقاس - قازاقستان ازاماتتارى بولسا, 1-ەۋٸ — شەتەلدٸك.
«ولاردىڭ 32% نەمەسە 10 ناۋقاس - ەر ادام, 68% نەمەسە 21 ناۋقاس - ەيەلدەر. جاس قۇرىلىمى بويىنشا, 21 وقيعا نەمەسە ناۋقاستاردىڭ 68% - 30-49 جاس ارالىعىندا. 18 جاسقا تولماعان 2 بالا بار جەنە 18-29 جاس ارالىعىنداعى 3 ناۋقاس بار. 50-59 جاس ارالىعىندا - 4 ادام جەنە 60 جاستان اسقان 1 ناۋقاس تٸركەلگەن.
ناۋقاستاردىڭ 26% نەمەسە 8 وقيعا 1ا ساناتىنداعى ەلدەردەن كەلگەن رەيستەن تٷسٸرٸلگەن جولاۋشىلار.
ايتا كەتەيٸك, قازاقستان رەسپۋبليكاسى اۋماعىندا كوروناۆيرۋس ينفەكتسيياسىن جۇقتىرعان جالپى 56 ناۋقاس تٸركەلدٸ. نۇرسۇلتان قالاسىندا 31 ادامدا كورونوۆيرۋس ينفەكتسيياسى انىقتالدى. الماتى قالاسىندا - 22 ادام, قاراعاندى قالاسىندا - 2, الماتى وبلىسىندا 1 ادام.
بۇعان دەيٸن باسقارما باسشىسى ەلوردادا نۇرسۇلتان نازارباەۆ اتىنداعى ەۋەجايعا كەلگەن 600-گە جۋىق جولاۋشىنىڭ تەكسەرٸلٸپ جاتقانىن حابارلادى.
