Nur-Sultanda koronavirýs juqtyrǵan taǵy 14 jańa naýqas tirkeldi, dep habarlaidy "Ult aqparat".
«Búgin sizderge Almaty qalasynda qosymsha 3 koronavirýs jaǵdaiy tirkelgenin jetkizdik. Qazirgi ýaqytta qosymsha Nur-Sultanda 14 jańa naýqas tirkeldi. Bul naýqastar tártip boiynsha karantinge jatqyzylyp, bailanys jasaǵan azamattarmen birge jumys jasaldy. Barlyq bailanystaǵy adamdar anyqtalýda», - dedi Densaýlyq saqtaý ministri Eljan Birtanov onlain formatta ótken baspasóz máslihatynda.
Osylaisha, qaýipti indetpen aýyrǵandar sany 27-ge jetti. Onyń ishinde 16 jaǵdai - Nur-Sultanda, 11 fakti - Almatyda tirkelgen.
Eske salsaq, buǵan deiin koronavirýs juqtyrǵandar sany 13 adam bolǵanyn habarlaǵan edik.
Sondai-aq, Qazaqstanda tótenshe jaǵdai jariialanyp, azamattardyń 15 sáýirge deiin el aýmaǵynan shyǵýyna tyiym salyndy.
QR Prezidenti Qasym-Jomart Toqaev el halqyna úndeý joldady.
