Nur-Sultanda jas áieldiń máiiti tabyldy, – dep habarlaidy "Ult aqparat" Polisia.kz saityna silteme jasap.
102 pýltine Áýezov kóshesindegi úidiń turǵynynan baspaldaq alańynda qantalaǵan áieldiń jatqany týraly habarlama kelip túsken. Oqiǵa ornyna kelgen politseiler dene jaraqattary bar 34 jastaǵy áieldiń máiitin tapqan.
Elordalyq jedel ýákilderdiń tekserisi barysynda bir táýlik ishinde Aqmola oblysynyń aýmaǵynda 37 jastaǵy kúdikti ustaldy.
Anyqtalǵandai, er adam bir kún buryn aýlada jas áielmen tanysyp, bos ýaqytyn ótkizý úshin ony páterine shaqyrǵan. Otyrys barysynda kúdikti men qonaqtyń arasynda janjal týyndap, er adam sporttyq ziltemirden metall beltemirdi alyp, jábirlenýshiniń denesine birneshe ret soqqy jasaǵan. Áieldiń esinen tanyp bara jatqanyn kórgen ol ony páterden alyp shyǵyp, baspaldaq alańynda qaldyrǵan.
Kisi óltirý faktisi boiynsha qylmystyq is qozǵaldy, kúdikti PD ýaqytsha ustaý izoliatoryna qamaldy, tergeý amaldary júrgizilip jatyr.
