نۇر-سۇلتاندا جاس ەيەلدٸڭ مەيٸتٸ تابىلدى, – دەپ حابارلايدى "ۇلت اقپارات" Polisia.kz سايتىنا سٸلتەمە جاساپ.
102 پۋلتٸنە ەۋەزوۆ كٶشەسٸندەگٸ ٷيدٸڭ تۇرعىنىنان باسپالداق الاڭىندا قانتالاعان ەيەلدٸڭ جاتقانى تۋرالى حابارلاما كەلٸپ تٷسكەن. وقيعا ورنىنا كەلگەن پوليتسەيلەر دەنە جاراقاتتارى بار 34 جاستاعى ەيەلدٸڭ مەيٸتٸن تاپقان.
ەلوردالىق جەدەل ۋەكٸلدەردٸڭ تەكسەرٸسٸ بارىسىندا بٸر تەۋلٸك ٸشٸندە اقمولا وبلىسىنىڭ اۋماعىندا 37 جاستاعى كٷدٸكتٸ ۇستالدى.
انىقتالعانداي, ەر ادام بٸر كٷن بۇرىن اۋلادا جاس ەيەلمەن تانىسىپ, بوس ۋاقىتىن ٶتكٸزۋ ٷشٸن ونى پەتەرٸنە شاقىرعان. وتىرىس بارىسىندا كٷدٸكتٸ مەن قوناقتىڭ اراسىندا جانجال تۋىنداپ, ەر ادام سپورتتىق زٸلتەمٸردەن مەتالل بەلتەمٸردٸ الىپ, جەبٸرلەنۋشٸنٸڭ دەنەسٸنە بٸرنەشە رەت سوققى جاساعان. ەيەلدٸڭ ەسٸنەن تانىپ بارا جاتقانىن كٶرگەن ول ونى پەتەردەن الىپ شىعىپ, باسپالداق الاڭىندا قالدىرعان.
كٸسٸ ٶلتٸرۋ فاكتٸسٸ بويىنشا قىلمىستىق ٸس قوزعالدى, كٷدٸكتٸ پد ۋاقىتشا ۇستاۋ يزولياتورىنا قامالدى, تەرگەۋ امالدارى جٷرگٸزٸلٸپ جاتىر.
